லைகா நிறுவனத்தின் தயாரிப்பில் ஜி.வி.பிரகாஷ் நடித்த 'எனக்கு இன்னொரு பேர் இருக்கு' திரைப்படம் வரும் 17ஆம் தேதி ரிலீஸ் ஆவது உறுதி செய்யப்பட்டுள்ள நிலையில் இன்று இந்த படத்தை சென்சார் அதிகாரிகள் பார்த்து இந்த படத்திற்கு 'UA'சர்டிபிகேட் அளித்துள்ளனர்.

ஜி.வி.பிரகாஷின் முந்தைய படங்கள் எதுவுமே 'U' சர்டிபிகேட் பெறவில்லை என்பது இங்கே குறிப்பிடத்தக்கது. 'த்ரிஷா இல்லைனா நயன்தாரா' A'சர்டிபிகேட்டும், 'டார்லிங் மற்றும் 'பென்சில்' ஆகிய படங்கள் 'UA'சர்டிபிகேட்டும் பெற்றுள்ள நிலையில் இந்த படத்திற்கும் 'UA'சர்டிபிகேட் கிடைத்துள்ளது என்பது குறிப்பிடத்தக்கது.

ஜி.வி.பிரகாஷ், 'கயல்'ஆனந்தி மீண்டும் இணைந்துள்ள இந்த படத்தில் நிரோஷா, சரவணன், கருணாஸ், யோகிபாபு, விடிவி கணேஷ், உள்ளிட்ட பலர் நடித்துள்ளனர். ஜி.வி.பிரகாஷ் இசையமைத்துள்ள இந்த படத்தை 'டார்லிங்' இயக்குனர் சாம் ஆண்டன் இயக்கியுள்ளார்.