'டார்லிங்' என்ற பேய்ப்படம், 'த்ரிஷா இல்லைனா நயன்தாரா' என்ற இளைஞர்களுக்கான கிளுகிளுப்பான படம் ஆகியவற்றை அடுத்து முற்றிலும் குழந்தைகளை மகிழ்விக்கும் 'புரூஸ்லீ' என்ற வித்தியாசமான படத்தில் ஜி.வி.பிரகாஷ் நடிக்கவுள்ளார்.

குழந்தைகளை மையமாக வைத்து 'பசங்க', 'பசங்க 2' ஆகிய படங்களை இயக்கிய இயக்குனர் பாண்டியராஜ் அவர்களிடம் உதவி இயக்குனராக இருந்த பிரசாந்த் பாண்டியராஜன் இயக்கவுள்ள இந்த படத்தில் ஜி.வி.பிரகாஷ், கீர்த்தி கர்பந்தனா, பாலா சரவணன் , முனிஸ் காந்த் மற்றும் பலர் நடிக்கவுள்ளனர்.

குழந்தைகள் ரசிக்கும்படியாக ஆக்சன் மற்றும் காமெடி கலந்து இந்த படத்தை இயக்கவுள்ளதாகவும், ஜி.வி.பிரகாஷ் குமார் அவர்களுக்கு இந்த படம் மிகவும் புதுமையான ஒரு படமாக இருக்கும் என்றும் இயக்குநர் பிரசாந்த் பாண்டிராஜ் கூறியுள்ளார். இந்த படத்தின் படபிடிப்பு வருகிற நவம்பர் மாதம் முதல் துவங்க உள்ளது.