சிவகார்த்திகேயன் - சாய் பல்லவி ரொமான்ஸ் பாடல்.. சூப்பர் அறிவிப்பு வெளியிட்ட ஜிவி பிரகாஷ்..!
- IndiaGlitz, [Tuesday,September 24 2024]
சிவகார்த்திகேயன் மற்றும் சாய் பல்லவி நடித்த அமரன் திரைப்படம் வரும் தீபாவளி அன்று வெளியாக உள்ளது. இந்நிலையில் இந்த படத்தின் சிங்கிள் பாடல் குறித்த தகவலை இசையமைப்பாளர் ஜி.வி. பிரகாஷ் வெளியிட்டுள்ளார்.
சிவகார்த்திகேயன், சாய் பல்லவி உள்ளிட்ட பலர் நடிப்பில் ராஜ்குமார் பெரியசாமி இயக்கத்தில் உருவான திரைப்படம் அமரன். இந்த படத்தின் படப்பிடிப்பு சில வாரங்களுக்கு முன் முடிவடைந்து, தற்போது விறுவிறுப்பான தொழில்நுட்ப பணிகள் நடைபெற்று வருகின்றன. தீபாவளி ரிலீஸ் என்பதால், அனைத்து பணிகளையும் முடிக்க படக்குழுவினர் இரவு பகலாக பணி செய்து வருவதாக கூறப்படுகிறது.
உலகநாயகன் கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் பிரம்மாண்டமாக தயாரித்துள்ள இப்படத்திற்கு ஜி.வி. பிரகாஷ் இசையமைத்துள்ளார். இந்நிலையில் இசையமைப்பாளர் ஜிவி பிரகாஷ் சமீபத்தில் தனது சமூக வலைத்தளத்தில் அமரன் படத்தின் முதல் சிங்கிள் பாடல் ஒரு ரொமான்ஸ் பாடல் என்றும், சிவகார்த்திகேயன் மற்றும் சாய் பல்லவி நடித்துள்ள இந்த பாடலின் தலைப்பு ஹேய் மின்னலே என்றும் அறிவித்துள்ளார்.
மேலும், இன்னும் சில நாட்களில் இந்த பாடல் வெளியாகும் என கூறியுள்ளதை தொடர்ந்து, சிவகார்த்திகேயன் மற்றும் சாய் பல்லவி ரசிகர்கள் இந்த பாடலை மிகுந்த ஆர்வத்துடன் எதிர்பார்த்து காத்திருக்கின்றனர் என்பது குறிப்பிடத்தக்கது.
The first single will be a love song from #Amaran …. Titled …. ✨Hey Minnale✨#HeyMinnale …. @Siva_Kartikeyan #saipallavi @RKFI … coming in few days …. @ikamalhaasan @Rajkumar_KP#Mahendran @gvprakash @anbariv @Sai_Pallavi92 @RKFI @SonyPicsIndia @sonypicsfilmsin…
— G.V.Prakash Kumar (@gvprakash) September 24, 2024