ஜி.வி.பிரகாஷூக்காக காத்திருக்கும் 'ஜெயில்'
- IndiaGlitz, [Friday,August 03 2018]
கோலிவுட் திரையுலகின் முன்னணி நடிகர்களில் ஒருவரும் பிரபல இசையமைப்பாளருமான ஜிவி பிரகாஷ் ஒரே நேரத்தில் பல படங்களில் நடித்து வரும் நிலையில் தேசிய விருது பெற்ற இயக்குனர் வசந்தபாலன் இயக்கி வரும் படம் ஒன்றிலும் நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் ஃபர்ஸ்ட்லுக் இன்று வெளியாகவுள்ளதாக அறிவிக்கப்பட்டது.
இந்த நிலையில் சற்றுமுன்னர் இந்த படத்தின் டைட்டிலுடன் கூடிய ஃபர்ஸ்ட்லுக் இணையதளங்களில் வெளியாகியுள்ளது. இந்த படத்திற்கு 'ஜெயில்' என்ற டைட்டில் வைக்கப்பட்டுள்ளது. இந்த பர்ஸ்ட்லுக் இணையத்தில் தற்போது வைரலாகி வருகிறது.
ஜிவி பிரகாஷ் இசையில் கணேஷ் சந்திரா ஒளிப்பதிவில் உருவாகி வரும் இந்த படம் இவ்வருட இறுதியில் வெளியாகும் என்று எதிர்பார்க்கப்படுகிறது.