ஒரு ஆண்டில் அதிக படங்களில் நடித்து கொண்டிருக்கும் நடிகர்களில் ஒருவராக ஜிவி பிரகாஷ் நடித்த படங்கள் இவ்வருடம் அடுத்தடுத்து வெளிவரவுள்ள நிலையில் அவர் நடிக்கவிருக்கும் இன்னொரு படத்தின் டைட்டில் சற்றுமுன் வெளியாகியுள்ளது.

அறிமுக இயக்குனர் கமல்பிரகாஷ் இயக்கத்தில் ஜிவி பிரகாஷ், பிக்பாஸ் புகழ் ரைசா இணையும் இந்த படத்திற்கு 'காதலிக்க யாருமில்லை' என்ற டைட்டில் வைக்கப்பட்டுள்ளது. கடந்த 1964ஆம் ஆண்டு ரவிச்சந்திரன், முத்துராமன் நடித்த 'காதலிக்க நேரமில்லை' படம் போல் இந்த படமும் ஒரு காமெடி கலந்த ரொமான்ஸ் படம் என்று கூறப்படுகிறது.

காவ்யா மகேஷ் தயாரிக்கும் இந்த படத்திற்கு ஜிவி பிரகாஷ் இசையமைக்க, வெங்கடேஷ் ஒளிப்பதிவு செய்ய சிவாநந்தேஷ்வரன் படத்தொகுப்பு பணியை கவனிக்கின்றார். இந்த படத்தில் குருசோமசுந்தரம், யோகிபாபு ஆகியோர் முக்கிய கேரக்டரில் நடிக்கவுள்ளனர் என்பது குறிப்பிடத்தக்கது.