இன்று மாலை ஜி.வி.பிரகாஷின் சூப்பர் ஸ்டார் டைட்டில்
- IndiaGlitz, [Wednesday,January 20 2016]
சூப்பர்ஸ்டார் ரஜினிகாந்த் நடிப்பில் ஷங்கர் இயக்கி வரும் '2.0' என்ற பிரமாண்டமான படத்தை தயாரிக்கும் லைகா நிறுவனம், இசையமைப்பாளரும், நடிகருமான ஜி.வி.பிரகாஷ் நடிக்கும் படத்தையும் தயாரித்து வருகிறது என்பதை ஏற்கனவே பார்த்தோம்.
இந்நிலையில் இந்த படத்தின் டைட்டிலை பிரபல இயக்குனர் ஏ.ஆர்.முருகதாஸ் இன்று மாலை ஐந்து மணிக்கு சமூக இணையதளத்தில் வெளியிடுகிறார். இந்த டைட்டில் சூப்பர் ஸ்டார் ரஜினிகாந்த் நடித்த படம் ஒன்றின் புகழ்பெற்ற வசனமாக இருக்கும் என கூறப்படுகிறது.
இந்நிலையில் இன்று ஜி.வி.பிரகாஷ் சூப்பர் ஸ்டார் ரஜினியை '2.0' படத்தின் செட்டிற்கு சென்று சந்தித்து ஆசிபெற்றார். இந்த தகவலை ஜி.வி.பிரகாஷ் தனது சமூக வலைத்தளத்தில் உறுதி செய்துள்ளார்.
ஜி.வி.பிரகாஷ், 'கயல்' ஆனந்தி நடித்து இசையமைக்கும் இந்த படத்தை இயக்குனர் சாம் ஆண்டன் இயக்கி வருகிறார். இந்த படத்தின் படப்பிடிப்பு 40% முடிந்துவிட்டதாக கூறப்படுகிறது.