பிரபல பாலிவுட் இயக்குனரின் அடுத்த படத்தில் ஜிவி பிரகாஷ்.. பான் -இந்தியா படமா?
- IndiaGlitz, [Saturday,March 16 2024]
சூர்யா, தனுஷ் உட்பட தமிழ் திரையுலகின் முன்னணி நடிகர்கள் தற்போது பாலிவுட்டிலும் நடித்து வருகின்றனர் என்பதும் சில படங்கள் பான் இந்திய படங்களாக உருவாக்கி வருகிறது என்பதையும் பார்த்து வருகிறோம். அந்த வகையில் பாலிவுட்டின் முன்னணி இயக்குனரின் அடுத்த படத்தில் நாயகனாக ஜிவி பிரகாஷ் நாயகனாக நடிக்க இருப்பதாக செய்திகள் வெளியாகி உள்ளது.
பாலிவுட் திரையுலகின் முன்னணி இயக்குனர் மற்றும் தயாரிப்பாளர் அனுராக் காஷ்யப். இவர் நயன்தாரா நடித்த ’இமைக்கா நொடிகள்’ உட்பட சில தமிழ்ப் படங்களில் நடித்துள்ளார் என்பது தெரிந்ததே.
இந்த நிலையில் அனுராக் காஷ்யப். இயக்கும் அடுத்த திரைப்படத்தில் ஜிவி பிரகாஷ் நாயகனாக நடிக்க உள்ளார் என்றும் இந்த படம் தமிழ், ஹிந்தி உள்பட ஐந்து மொழிகளில் பான் இந்தியா திரைப்படமாக உருவாக இருப்பதாகவும் கூறப்படுகிறது.
ஏற்கனவே அனுராக் காஷ்யப் இயக்கத்தில் உருவான ’அக்லி’ என்ற திரைப்படத்திற்கு ஜிவி பிரகாஷ் இசையமைத்த நிலையில் தற்போது அவரது இயக்கத்தில் நடிக்க உள்ளார் என்பது குறிப்பிடத்தக்கது.
ஜிவி பிரகாஷ் தற்போது ’தங்கலான்’ உட்பட சில படங்களுக்கு இசையமைத்தும் ’ரிபெல்’ உட்பட சில படங்களில் நடித்தும் பிசியாக இருக்கும் நிலையில் தற்போது மேலும் ஒரு படத்தில் அவர் நடிக்க உள்ளார் என்பது குறிப்பிடத்தக்கது.