ஜிவி பிரகாஷ் நடித்த 'சர்வம் தாளமயம்' இன்று வெளியாகி விமர்சகர்கள் மற்றும் பார்வையாளர்களின் பாசிட்டிவ் விமர்சனங்களை பெற்று வருகிறது. குறிப்பாக ஜிவி பிரகாஷ் ஏற்று நடித்துள்ள வித்தியாசமான கேரக்டருக்கு வாழ்த்துக்கள் குவிந்து வருகிறது.

அந்த வகையில் தற்போது ஜிவி பிரகாஷ் ஐடி துறையில் பணிபுரியும் ஊழியராக அடுத்த படத்தில் நடிக்கவுள்ளார். ஜிவி பிரகாஷ் நடிக்கும் புதிய படம் ஒன்றை கமல் பிரகாஷ் இயக்கவுள்ளதாகவும் இந்த படத்தின் பூஜை கடந்த மாதம் 21ஆம் தேதி நடைபெற்றது என்பதும் தெரிந்ததே. இந்த படம் ஒரு ஃபேண்டசி காமெடி படமாக உருவாகவிருப்பதாக படக்குழுவினர் ஏற்கனவே தெரிவித்திருந்த நிலையில் சற்றுமுன் இந்த படத்தில் தான் ஒரு ஐடி துறை ஊழியராக நடிப்பதாக ஜிவி பிரகாஷ் தனது சமூக வலைத்தள பக்கத்தில் குறிப்பிட்டுள்ளார்.

ஜிவி பிரகாஷ் ஜோடியாக முதல்முறையாக பிக்பாஸ் புகழ் ரைசா வில்சன் நடிக்கவுள்ளார். இந்த படத்தை ஆரா சினிமாஸ் தயாரிக்கிறது. இந்த படத்தின் படப்பிடிப்பு இன்றுமுதல் தொடங்கியுள்ளது என்பது குறிப்பிடத்தக்கது.