'Guntur Talkies' Trailer Launch Gallery

సిద్ధు, రష్మీ, సీనియర్ నరేష్, శ్రద్ధాదాస్ తదితరులు ప్రధాన తారాగణంగా నేషనల్‌ అవార్డ్‌ విన్నింగ్‌ డైరెక్టర్‌ ప్రవీణ్‌సత్తారు దర్శకత్వంలో రూపొందుతోన్న చిత్రం గుంటూర్‌ టాకీస్‌` ఈ ఆర్‌.కె.స్టూడియోస్‌ బ్యానర్‌పై రాజ్‌కుమార్‌.ఎం ఈ చిత్రాన్ని నిర్మిస్తున్నారు. ఈ సినిమా థియేట్రికల్ ట్రైలర్ విడుదల కార్యక్రమం బుధవారం హైదరాబాద్ ప్రసాద్ ల్యాబ్స్ లో జరిగింది. నందమూరి బాలకృష్ణ థియేట్రికల్ ట్రైలర్ ను విడుదల చేశారు. ఈ సందర్భంగా...

నందమూరి బాలకృష్ణ మాట్లాడుతూ ``ఎప్పటి నుండో తెలుగు చిత్ర‌సీమ‌లో వైవిధ్య‌మైన పాత్ర‌లు, చిత్రాలు వ‌స్తూనే ఉన్నాయి. వైవిధ్య‌మైన చిత్రాల‌ను ఆద‌రించ‌డానికి ప్రేక్ష‌కులు ఎప్పుడూ ముందుంటారు. టైటిల్ సస్పెన్స్ గా, కొత్తగా ఉంది. వినగానే నాకు వెంటనే పాతరోజుల్లో ఈల‌పాటి ర‌ఘురామ‌య్య‌గారు, సుర‌భినాట‌కాలు ఇలా అన్నీ గుర్తుకు వ‌చ్చాయి. ఈ చిత్రాన్ని ఎక్కువ భాగం అనంతపురం, హిందూపూర్ ప్రాంతాల్లో చిత్రీకరించారు. అందువల్ల నేను ఇక్కడకు వచ్చాను. నిర్మాత రాజ్‌కుమార్‌గారికి ఇది మొద‌టి సినిమా. సినిమా పెద్ద స‌క్సెస్ సాధించి ఆయనకు మంచి పేరు తేవాలి. డైరెక్ట‌ర్ ప్ర‌వీణ్‌లో సినిమా ప‌ట్ల ప్యాషన్ కూడా క‌న‌ప‌డుతుంది. ఇంత‌కు ముందు ఆయ‌న చంద‌మామ క‌థ‌లు వంటి చిత్రంతో నేష‌న‌ల్ అవార్డుని ద‌క్కించుకున్నారు. సినిమా గురించి ప్యాష‌న్ ఉన్న మంచి ఎన‌ర్జిటిక్ కుదిరింది. ప్ర‌వీణ్ ఇలాంటి మంచి చిత్రాల‌ను మ‌రెన్నింటినో చేయాల‌ని కోరుకుంటున్నాను`` అన్నారు.

ఇంకా ఈ కార్యక్రమంలో లక్ష్మీ మంచు, ప్రవీణ్ సత్తారు, శ్రద్ధాదాస్, సీనియర్ నరేష్, మ్యూజిక్ డైరెక్టర్ శ్రీచరణ్, సినిమాటోగ్రాఫర్ రాంరెడ్డి తదితరులు పాల్గొన్నారు.