బాలీవుడ్ సినిమా `గ‌ల్లీబాయ్‌`కు నిరాశ ఎదురైంది. ఈ ఏడాది విదేశీ చిత్రాల కేట‌గిరీలో ఇండియా నుండి ఎంపికైన చిత్రాల్లో `గ‌ల్లీబాయ్` ఒక‌టి. అయితే ఇప్పుడు టాప్ 10 చిత్రాల్లో గ‌ల్లీబాయ్‌కు చోటు ద‌క్క‌లేదు. 92వ ఆస్కార్ అవార్డ్స్ కోసం ప్ర‌పంచ వ్యాప్తంగా ప‌లు చిత్రాలు పోటీ ప‌డ్డాయి. మ‌న దేశం నుండి గ‌ల్లీబాయ్ విదేశీ చిత్రాల కేట‌గిరిలో పోటీ ప‌డింది. ముందు గ‌ల్లీబాయ్ చిత్రం ఆస్కార్‌కు ఎంపికైంద‌ని విష‌యం తెలియ‌గానే సినీ అభిమానులు, ప్రేక్ష‌కులు ఆద‌రించారు. అయితే ఇప్పుడు అంద‌రి ఆశ‌లు గ‌ల్లంతైన‌ట్లే.

2020 ఫిబ్ర‌వ‌రి 9న ఆస్కార్ అవార్డ్స్ లాస్ ఏంజిల్స్‌లో జ‌ర‌గ‌నున్నాయి. విదేశీ కేట‌గిరీలో చెక్ ది రిప‌బ్లిక్‌, లెస్ మిస‌రెబ‌ల్స్‌, అట్లాంటిక్స్ చిత్రాలు టాప్ టెన్‌లో ఎంపిక‌య్యాయి. ర‌ణ‌వీర్‌, అలియా భ‌ట్ హీరో హీరోయిన్లుగా న‌టించిన చిత్రం `గ‌ల్లీబాయ్‌`. జోయా అక్త‌ర్ ఈ సినిమాను తెర‌కెక్కించారు. మినిమం బ‌డ్జెట్‌తో తెర‌కెక్కిన గ‌ల్లీబాయ్ అటు ప్రేక్ష‌కులు, ఇటు విమ‌ర్శ‌కుల ప్ర‌శంస‌లు అందుకుంది.