ഐപിഎല്ലില്‍ ഗുജറാത്ത് ടൈറ്റന്‍സിന് തുടർച്ചയായ രണ്ടാം ജയം
- IndiaGlitz, [Wednesday,April 05 2023] Sports News
ഐപിഎല്ലില്‍ ഡല്‍ഹി ക്യാപിറ്റല്‍സിനെ 6 വിക്കറ്റിനു തകർത്ത് ഗുജറാത്ത് ടൈറ്റന്‍സിൻ്റെ വിജയം. ഡല്‍ഹി ക്യാപിറ്റല്‍സിനെതിരെ ഗുജറാത്ത് ടൈറ്റന്‍സിന് 163 റണ്‍സ് ആയിരുന്നു വിജയലക്ഷ്യം. ആദ്യം ബാറ്റ് ചെയ്ത ഡല്‍ഹിക്ക് 8 വിക്കറ്റ് നഷ്ടത്തില്‍ 162 റണ്‍സാണ് എടുക്കാനായത്. 37 റണ്‍സ് എടുത്ത ഡേവിഡ് വാര്‍ണറാണ് ഡല്‍ഹിയുടെ ടോപ്പ് സ്‌കോറര്‍. ഗുജറാത്തിന് വേണ്ടി മുഹമ്മദ് ഷമിയും റാഷിദ് ഖാനും മൂന്ന് വിക്കറ്റുകള്‍ വീതം വീഴ്ത്തി. അല്‍സാരി ജോസഫ് രണ്ട് വിക്കറ്റും വീഴ്ത്തി ഇരുവര്‍ക്കും മികച്ച പിന്തുണ നല്‍കി. മത്സരം തുടങ്ങി മൂന്നാം ഓവറില്‍ തന്നെ ഡല്‍ഹിയുടെ ആദ്യ വിക്കറ്റ് വീണു. 34 പന്തില്‍ 30 റണ്‍സ് നേടിയ സര്‍ഫറാസ് ഖാന്‍ 17-ാമത്തെ ഓവറില്‍ റാഷിദ് ഖാൻ്റെ പന്തില്‍ പുറത്തായി. എട്ട് പന്തില്‍ എട്ട് റണ്‍സെടുത്ത അമന്‍ ഹക്കീം ഖാനും 22 പന്തില്‍ 36 റണ്‍സെടുത്ത അക്‌സര്‍ പട്ടേലും പുറത്തായപ്പോള്‍ ഒരു റണ്‍സുമായി കുല്‍ദീപ് യാദവും നാല് റണ്‍സുമായി ആന്റിച്ച് നോര്‍ക്യെയും പുറത്താകാതെ നിന്നു. മാർച്ച് 31 ന് ചെന്നൈ സൂപ്പർ കിംഗ്‌സിനെതിരായ വിജയത്തോടെ തങ്ങളുടെ സീസണിൽ വിജയകരമായ തുടക്കം കുറിച്ച നിലവിലെ ചാമ്പ്യന്മാരായ ടൈറ്റൻസിൻ്റെ തുടർച്ചയായ രണ്ടാം വിജയമാണിത്.