கின்னஸ் சாதனை புரிந்த பழம்பெரும் தமிழ் நடிகை காலமானார்!
- IndiaGlitz, [Thursday,June 27 2019]
குழந்தை நட்சத்திரமாக அறிமுகமாகி தமிழ் உள்பட நான்கு மொழிகளில் பல திரைப்படங்கள் நடித்தது மட்டுமின்றி தெலுங்கு மொழியில் மட்டும் 44 திரைப்படங்களை இயக்கிய பழம்பெரும் நடிகை விஜய நிர்மலா காலமானார். அவருக்கு வயது 73
விஜய நிர்மலா கடந்த சில நாட்களாக உடல்நலமின்றி சிகிச்சை பெற்று வந்த நிலையில் சிகிச்சையின் பலனின்றி இன்று காலை காலமானார். அவருடைய மறைவிற்கு குடியரசு துணைத்தலைவர் வெங்கையா நாயுடு உள்பட பலர் இரங்கல் தெரிவித்துள்ளனர்.
உலகிலேயே அதிக படங்கள் இயக்கிய பெண் இயக்குனர் இவர்தான் என்பதால் இதற்காக விஜய நிர்மலா கின்னஸ் சாதனை பட்டியலிலும் இடம்பிடித்துள்ளார் என்பது குறிப்பிடத்தக்கது
தமிழில் 'மச்ச ரேகை' என்ற படத்தில் குழந்தை நட்சத்திரமாக நடித்த
விஜய நிர்மலா அதன்பின் 'எங்க வீட்டு பெண், 'சித்தி', 'நீலகிரி எக்ஸ்பிரஸ்', 'அன்பளிப்பு', 'என் அண்ணன்', 'ஞான ஒளி' உள்பட பல திரைப்படங்களில் நடித்துள்ளார்.