నంద‌మూరి న‌ట సింహం బాల‌కృష్ణ న‌టిస్తున్న వందో చిత్రం గౌత‌మీపుత్ర శాత‌క‌ర్ణి. ఈ చిత్రాన్ని క్రిష్ తెర‌కెక్కిస్తున్నారు. మొరాకోలో మొద‌టి షెడ్యూల్ పూర్తి చేసుకున్న గౌత‌మీపుత్ర శాత‌క‌ర్ణి హైద‌రాబాద్ లో రెండో షెడ్యూల్ పూర్తి చేసుకుంది. ఇదిలా ఉంటే..బ‌స‌వ‌తార‌కం ఇండో - అమెరిక‌న్ క్యాన్స‌ర్ ఇన్ స్టిట్యూట్ ఛారిటీ కోసం యు.ఎస్.ఎలో ఏర్పాటు చేసిన ఫండ్ రైజింగ్ ఈవెంట్ లో బాల‌కృష్ణ పాల్గొన్నారు. అక్క‌డి అభిమానులు బాల‌య్య‌కు ఘ‌న స్వాగ‌తం ప‌లికారు. ఈ ఈవెంట్ ద్వారా వ‌చ్చిన మొత్తాన్ని బ‌స‌వ‌తార‌కం క్యాన్స‌ర్ హాస్ప‌ట‌ల్ అంద‌చేయ‌నున్నారు. ఈనెల 10న బాల‌కృష్ణ పుట్టిన‌రోజు వేడుక‌ను కూడా యు.ఎస్ లోనే జ‌రుపుకోనున్నారు. బాల‌య్య వ‌చ్చిన త‌ర్వాత గౌత‌మీపుత్ర శాత‌క‌ర్ణి తాజా షెడ్యూల్ ప్రారంభించ‌నున్నారు.