பிரபல நடிகை கவுதமி கடந்த சில ஆண்டுகளாக பாஜகவில் இணைவார் என்று எதிர்பார்க்கப்பட்டது. கடந்த 2016ஆம் ஆண்டு பிரதமரை சந்தித்த கவுதமி, தனது புற்றுநோய் விழிப்புணர்வு குறித்த அமைப்பு குறித்து விளக்கினார். அதன் பின்னர் ஜெயலலிதா மரணம் குறித்த மர்மத்தை சிபிஐ மூலம் கண்டுபிடிக்க வேண்டும் என்று பிரதமர் மோடிக்கு கடிதம் எழுதினார். இவையெல்லாம் அவர் பாஜகவில் சேருவார் என்ற வதந்தியை ஏற்படுத்தியது

இந்த நிலையில் நேற்று சென்னை மயிலாப்பூரில் நடைபெற்ற ஒரு நிகழ்ச்சியில் கலந்து கொண்ட பின்னர் செய்தியாளர்களிடம் பேசியபோது, 'மக்களுக்காக உழைக்கும் தலைவரை கடந்த ஓராண்டாக தேடி வருவதாகவும் ரஜினி, கமலை மட்டும் குறிப்பிடாமல் மற்றவர்களின் செயல்பாட்டையும் நாம் பார்க்க வேண்டும் என்றும் கூறினார்.

மேலும் ஜெயலலிதா மரணத்தில் உள்ள சந்தேகங்கள் ஒவ்வொன்றாக வெளி வருவதாகவும், அவரது மரணம் குறித்து சிபிஐ விசாரணை நடத்த வேண்டிய கட்டாயம் ஏற்பட்டுள்ளது என்றும் நடிகை கவுதமி தெரிவித்தார்.