நெல்லை மாவட்ட ஆட்சியர் அலுவலகம் முன் நேற்று ஒரே குடும்பத்தை சேர்ந்த இரண்டு குழந்தைகள் உள்பட நால்வர் தீக்குளித்த விவகாரம் தமிழகத்தையே உலுக்கிவிட்டது. இந்த அதிர்ச்சியில் இருந்து இன்னும் பலர் மீளமுடியாத நிலையில் நடிகர் ஆர்.ஜே.பாலாஜி அரசுக்கு உருக்கமான வேண்டுகோள் ஒன்றை வைத்துள்ளார். அவர் தனது சமூக வலைத்தளத்தில் கூறியதாவது:

கந்துவட்டி கொடுமையால் நெல்லையில் நேற்று நடந்த சம்பவத்தை இன்னும் என்னால் ஜீரணிக்க முடியவில்லை. மாவட்ட ஆட்சியர் அலுவலகத்தில் உள்ள ஒரு அதிகாரி கூட அந்த குடும்பத்தினர்களுக்கு உதவ முன்வராததை நம்பவே முடியவில்லை. இந்த சம்பவத்திற்கு காரணமான கந்துவட்டிக்காரர்கள் தற்போது கைது செய்யப்பட்டுள்ளனர். ஆனால் என்ன பயன்? அந்த நால்வரின் வாழ்க்கை சிதைந்து போயிற்றே!

அரசு அதிகாரிகளே! தயவுசெய்து ஏழைகளின் நிலைமை குறித்து கவனத்தில் கொள்ளுங்கள். அவர்களின் கடைசி நம்பிக்கையாக நீங்கள் மட்டுமே உள்ளீர்கள். இந்த சேவைக்காகவே உங்களுக்கு சம்பளம் வழங்கப்படுகிறது' என்று உருக்கமான வெண்டுகோளை முன்வைத்துள்ளார் ஆர்ஜே. பாலாஜி