గ‌వ‌ర్న‌ర్ నరసింహన్ దంప‌తుల కోసం ఖైదీ నెం 150 స్పెష‌ల్ షో..!
- IndiaGlitz, [Friday,January 20 2017]
మెగాస్టార్ చిరంజీవి న‌టించిన ప్రెస్టేజీయ‌స్ మూవీ ఖైదీ నెం 150. దాదాపు ప‌దేళ్ల గ్యాప్ త‌ర్వాత చిరంజీవి న‌టించిన సినిమా కావ‌డంతో ఖైదీ నెం 150 చిత్రాన్ని ప్ర‌పంచ వ్యాప్తంగా ఉన్న తెలుగు వారంద‌రూ విశేషంగా ఆదిరిస్తున్నారు. అందుక‌నే ఫ‌స్ట్ వీక్ లోనే 108 కోట్ల 48 ల‌క్ష‌లు వ‌సూలు చేసి సంచ‌ల‌నం సృష్టించింది.
మెగాస్టార్ రీ ఎంట్రీ అవ్వ‌డం వ‌ల‌న సినీ ప్రియులే కాకుండా రాజ‌కీయ నాయ‌కులు సైతం ఖైదీ నెం 150 చూసేందుకు ఆస‌క్తి చూపిస్తున్నారు. ఇక ఈరోజు సాయంత్రం గ‌వ‌ర్న‌ర్ నరసింహన్ దంప‌తులు ఖైదీ నెం 150 చిత్రాన్ని చూడ‌నున్నారు. వీరి కోసం మెగా ప‌వ‌ర్ స్టార్ రామ్ చ‌ర‌ణ్ స్పెష‌ల్ షో ఏర్పాటు చేసారు. రికార్డ్ స్ధాయి క‌లెక్ష‌న్స్ తో దూసుకెళుతున్న ఖైదీ నెం 150 కృత‌జ్ఞ‌తాభినంద‌న స‌భ‌ను త్వ‌ర‌లో భారీ స్ధాయిలో నిర్వ‌హించేందుకు ఏర్పాట్లు చేస్తున్నారు.