'ఇష్టంగా.. సంతోషంగా..ఆనందంగా' అంటున్న రచయిత
- IndiaGlitz, [Saturday,February 17 2018]
కథా రచయితలు దర్శకులుగా మారడం అన్నది తెలుగు సినీ పరిశ్రమకు కొత్తేమీ కాదు. నిన్నటి తరం సీనియర్ దర్శకులు దాసరి నారాయణరావు, జంధ్యాల నుంచి నేటి తరం డైరెక్టర్ వక్కంతం వంశీ వరకు చాలా మంది రచయితలుగా కెరీర్‌ను ఆరంభించి అనంత‌రం దర్శకులుగా రూపాంతరం చెందినవారే. అయితే వారిలో...కెరీర్‌లో విజయం సాధించి ముందుకు సాగుతున్నవారు మాత్రం నేటి తరంలో తక్కువనే చెప్పాలి.
అలా కెరీర్‌ను విజయవంతంగా మలుచుకుని సక్సెస్ ఫుల్ డైరెక్టర్లుగా వెలుగుతున్న వారు త్రివిక్రమ్ శ్రీనివాస్, కొరటాల శివ. ఇక వీరి బాటలోనే నడవడానికి మ‌రో ప్ర‌ముఖ రచయిత ప్ర‌య‌త్నం చేస్తున్నారు. కాస్త వివ‌రాల్లోకి వెళితే.. 'సంతోషం', 'ఢీ', 'దూకుడు', 'బాద్ షా', 'అల్లుడు శ్రీను' వంటి విజ‌య‌వంత‌మైన చిత్రాలకు రచయితగా పనిచేసిన గోపి మోహన్ ఇప్పుడు మెగా ఫోన్ పట్టనున్నారు.
గతంలో కోన వెంకట్‌తో కలిసి పనిచేసిన ఈ కథా రచయిత.. కోన వెంకట్ డైలాగ్స్ చూసుకోగా...త‌ను స్క్రీన్ ప్లే పై దృష్టి సారిస్తూ ఉండేవారు. ఇప్పుడు ఆ అనుభవంతోనే దర్శకత్వపు బాధ్యతను తీసుకోబోతున్నారని సమాచారం. ఆయన డైరెక్ట్ చేయబోయే సినిమాకి 'ఇష్టంగా.. సంతోషంగా..ఆనందంగా' అనే టైటిల్ ని ఫిక్స్ చేసారని టాలీవుడ్ స‌ర్కిల్స్‌లో వినిపిస్తోంది. ఈ చిత్రానికి సంబంధించిన మరిన్ని విషయాలు గోపి మోహన్ త్వరలోనే వెల్లడించనున్నారు.