'పంతం' తో గోపీచంద్ సందేశం
- IndiaGlitz, [Wednesday,March 28 2018]
యాక్షన్ చిత్రాల క‌థానాయ‌కుడు గోపీచంద్, హ్యాట్రిక్ విజ‌యాల క‌థానాయిక మెహరీన్ జంటగా నూతన దర్శకుడు కె.చ‌క్ర‌వ‌ర్తి (చ‌క్రి) తెరకెక్కిస్తున్న చిత్రం ‘పంతం’. ఫ‌ర్ ఎ కాజ్ అనేది ఉప‌శీర్షిక. శ్రీ సత్యసాయి ఆర్ట్స్ పతాకంపై రాధామోహన్ ఈ సినిమాని నిర్మిస్తుండ‌గా.. గోపీ సుందర్ సంగీతమందిస్తున్నారు. ఇందులో.. ఎన్.ఆర్.ఐ.గా, అవినీతి పరులైన రాజకీయనాయకులపై ఎదురు తిరిగే వ్యక్తిగా రెండు పార్శ్వాలున్న పాత్రలో గోపీచంద్ కనిపించనున్నారు.
అంతేగాకుండా.. ఓ సామాజిక సందేశాన్ని కూడా ఈ సినిమా ద్వారా ఇవ్వనున్నారని తెలుస్తోంది. ప్రస్తుతం హైదరాబాద్ – అల్యూమినియం ఫ్యాక్టరీలో ఈ సినిమాకి సంబంధించిన చిత్రీకరణ జరుగుతోంది. ఇదిలా ఉంటే.. ఈ సినిమాలో మెహరీన్ టీచర్ పాత్ర పోషిస్తోంది. గోపీచంద్ సిల్వర్ జూబ్లీ ఫిల్మ్‌ (25వ చిత్రం)గా రూపుదిద్దుకుంటున్న ఈ యాక్షన్ ఎంటర్‌టైనర్ వేసవి సందర్భంగా మే 18న విడుదల కానుంది. 'లౌక్యం' త‌రువాత స‌రైన విజ‌యం లేని గోపీచంద్‌కు ఈ సినిమా విజ‌యం కీల‌కంగా మారింది.