గోపీచంద్ 'పంతం' ఫ‌స్ట్‌లుక్ అప్‌డేట్‌
- IndiaGlitz, [Saturday,March 17 2018]
యాక్షన్ హీరోగా పలు విజయవంతమైన చిత్రాల్లో నటించిన గోపీచంద్‌కు ‘జిల్’ (2015) సినిమాతో విజయాలకు బ్రేక్ పడింది. ఆ తర్వాత వచ్చిన ‘సౌఖ్యం’, ‘గౌతమ్ నంద’, ‘ఆక్సిజన్’ చిత్రాలు కూడా బాక్సాఫీస్ వద్ద ఘోరంగా దెబ్బ‌తిన్నాయి. ఈ పరాజయాలతో వెనుకబడిపోయిన గోపీచంద్.. ప్రస్తుతం నూత‌న దర్శకుడు చక్రి ద‌ర్శ‌క‌త్వంలో ‘పంతం’ సినిమాను చేస్తున్నారు. ప్రస్తుతం ఈ సినిమా శరవేగంగా చిత్రీకరణ జరుపుకుంటోంది.
ఇదిలా ఉంటే.. ఈ సినిమాకి సంబంధించిన ఫస్ట్ లుక్‌ను ఈ నెల 22న విడుదల చేయడానికి చిత్ర వర్గాలు ప్లాన్ చేస్తున్నాయ‌ని స‌మాచారం. ఇందులో ఎన్.ఆర్.ఐ. పాత్ర పోషిస్తున్నారు గోపీచంద్. ఆయ‌న సరసన మెహ్రీన్ కథానాయికగా నటిస్తోంది. గోపి సుందర్ స్వరాలు సమకూరుస్తున్నారు. శ్రీ సత్యసాయి ఆర్ట్స్ పతాకంపై రాధామోహన్ నిర్మిస్తున్న ఈ యాక్షన్ ఎంటర్‌టైన‌ర్ వేసవి సందర్భంగా మే 18న విడుదల కానుంది. ఈ సినిమాతోనైనా గోపీచంద్ విజ‌యాల బాట ప‌డ‌తారేమో చూడాలి.