గోపీచంద్ హీరోగా రూపొందుతున్న అత‌ని 25వ చిత్రం చిత్రీక‌ర‌ణ ద‌శ‌లో ఉంది. కొత్త ద‌ర్శ‌కుడు ఈ సినిమాను తెర‌కెక్కిస్తున్నాడు. ఈ చిత్రంలో.. మెహ‌రీన్ టీచ‌ర్ పాత్ర‌లో సంద‌డి చేయ‌బోతోంది. . రెగ్యుల‌ర్ హీరోయిన్ల పాత్ర‌ల‌కు భిన్నంగా ఈ క్యారెక్ట‌ర్ ఉంటుంద‌ని.. గోపీచంద్‌, మెహ‌రీన్ పాత్ర‌లు క‌లిసే సంద‌ర్భం.. వారి కాంబినేష‌న్‌లో వ‌చ్చే స‌న్నివేశాలు అల‌రించేలా ఉంటాయ‌ని చిత్ర యూనిట్ వ‌ర్గాలు పేర్కొంటున్నాయి.

వ‌చ్చే ఏడాది వేస‌వికి ఈ సినిమా తెర‌పైకి రానుంది. ఆస‌క్తిక‌ర‌మైన విష‌య‌మేమంటే ఈసినిమాకు ఎప్ప‌టిలాగానే గోపీచంద్ త‌న సెంటిమెంట్ ప్ర‌కారం టైటిల్ పెట్టాల‌నుకుంటున్నార‌ట‌. విశ్వ‌స‌నీయ వ‌ర్గాల స‌మాచారం ప్ర‌కారం ఈ చిత్రానికి `పంతం` అనే టైటిల్ ప‌రిశీల‌న‌లో ఉంది.