వినాయక్ దర్శకత్వంలో గోపీచంద్.....
- IndiaGlitz, [Wednesday,November 09 2016]
సెన్సేష‌న‌ల్ డైరెక్ట‌ర్ వి.వి.వినాయక్ ప్ర‌స్తుతం మెగాస్టార్ చిరంజీవి ఖైదీ నంబ‌ర్ 150తో బిజీగా ఉన్నాడు. సినిమా సంక్రాంతి బ‌రిలోకి దిగ‌నుంది. ఈ సినిమా కాగానే వినాయక్ ఏ సినిమాను డైరెక్ట్ చేయ‌బోతున్నాడో ఇంకా క‌న్‌ఫ‌ర్మ్ కాలేదు. అయితే తాజా స‌మాచారం ప్ర‌కారం వినాయక్ గోపీచంద్‌ను డైరెక్ట్ చేయ‌నున్నాడ‌ట. సాహ‌సం శ్వాస‌గా సాగిపో సినిమా నిర్మాత మిర్యాల ర‌వీంద‌ర్‌రెడ్డి గోపీచంద్‌తో సినిమా చేయ‌డానికి డేట్స్ తీసుకున్నాడ‌ట. ఈ సినిమాను వినాయక్ దర్శకత్వంలో రూపొందించ‌డానికి స‌న్నాహాలు చేస్తున్నార‌ని స‌మాచారం. అయితే గోపీచంద్ ప్ర‌స్తుతం సంప‌త్ నంది దర్శకత్వంలో సినిమా చేస్తున్నాడు. ఈ సినిమా పూర్తికాగానే వినాయక్, గోపీచంద్ కాంబినేష‌న్‌లో సినిమా ఉంటుంద‌ని అంటున్నారు.