హ్యాట్రిక్ బ్లాక్ బస్టర్ పై గోపీచంద్ కన్ను.. మూడోసారి ఆ డైరెక్టర్ తో..
- IndiaGlitz, [Wednesday,July 14 2021]
యాక్షన్ హీరో గోపీచంద్ జోరు మాములుగా లేదు. ప్రస్తుతం గోపీచంద్ నటిస్తున్న రెండు చిత్రాలు సెట్స్ పై ఉన్నాయి. ఇప్పుడు మూడో చిత్రాన్ని కూడా ప్రకటించేశాడు. గోపీచంద్ 30వ చిత్రం క్రేజీ కాంబినేషన్ లో తెరకెక్కబోతోంది. దర్శకుడు శ్రీవాస్ గోపీచంద్ ని మూడోసారి డైరెక్ట్ చేయబోతున్నారు.
ఇప్పటికే వీరి కాంబినేషన్ లో లక్ష్యం, లౌక్యం లాంటి హిట్ చిత్రాలు వచ్చాయి. దీనితో హ్యాట్రిక్ కాంబినేషన్ కి రంగం సిద్ధం అయింది. పీపుల్స్ మీడియా ఫ్యాక్టర్ బ్యానర్ లో టిజి విశ్వప్రసాద్ ఈ చిత్రాన్ని నిర్మించనున్నారు. ఈ ఆసక్తికరమైన కాంబినేషన్ కి సంబందించిన మరిన్ని వివరాలు త్వరలోనే తెలియనున్నాయి.
గోపీచంద్, శ్రీవాస్ తొలి కలయికలో 2007లో లక్ష్యం చిత్రం విడుదలయింది. ఆ మూవీ ఘనవిజయం సాధించిన సంగతి తెలిసిందే. ఇదే కాంబోలో 2014లో లౌక్యం చిత్రం తెరకెక్కింది. అది కూడా హిట్టే. దీనితో వీరిద్దరి హ్యాట్రిక్ కాంబోపై ఆసక్తి పెరిగింది.
దర్శకుడు శ్రీవాస్ కమర్షియల్ చిత్రాలని డీల్ చేయడంలో సిద్ధహస్తుడు. శ్రీవాస్ చివరగా తెరకెక్కించిన చిత్రం సాక్ష్యం. బెల్లంకొండ శ్రీనివాస్ హీరోగా నటించిన ఈ చిత్రం బాక్సాఫీస్ వద్ద యావరేజ్ గా నిలిచింది.
ఇక గోపీచంద్ ప్రస్తుతం సంపత్ నంది దర్శకత్వంలో సీటిమార్ చిత్రంలో నటిస్తున్నాడు. అలాగే మారుతి దర్శకత్వంలో 'పక్కా కమర్షియల్' లో నటిస్తున్నాడు. ఈ రెండు చిత్రాలు పూర్తయ్యాక శ్రీవాస్ దర్శకత్వంలో చిత్రం పట్టాలెక్కనుంది.
We are happy to associate with the sensational hattrick combo @YoursGopichand & @DirectorSriwass for #Gopichand30.
— People Media Factory (@peoplemediafcy) July 14, 2021
Produced by @vishwaprasadtg, co-produced by @vivekkuchibotla under @peoplemediafcy banner.
A complete family entertainer, Shoot begins soon! pic.twitter.com/5W6X3WwSkJ