గోపీచంద్ సాహసం..
- IndiaGlitz, [Tuesday,April 11 2017]
సౌఖ్యం త‌ర్వాత గోపీచంద్ హీరోగా సంప‌త్ నంది దర్శకత్వంలో జె.భ‌గ‌వాన్‌, పుల్లారావు నిర్మాత‌లుగా రూపొందుతోన్న చిత్రం 'గౌత‌మ్ నంద' ప్ర‌స్తుతం దుబాయ్‌లో పాట‌ల చిత్రీక‌ర‌ణ జ‌రుపుకుంటోంది. దుబాయ్‌లో రాజు సుంద‌రం కొరియోగ్ర‌పీలో సాంగ్ చిత్రీక‌ర‌ణ జ‌రుగుతుంది.
పాట చిత్రీక‌ర‌ణ‌లో ఓ సీన్ కోసం హీరో స్కై డైవింగ్ చేయ‌డం టాక్ ఆఫ్ ది టౌన్ అయ్యింది. దుబాయ్ బుర్జ్ ఖలీఫా నుండి విదేశీ నిపుణుల స‌హ‌కారంతో స్కై డైవ్ చేశాడ‌ట. సౌతిండియాలో బంగీ జంప్ చేసిన హీరోలున్నారు కానీ స్కై డైవ్ చేసిన హీరో గోపీచంద్ మాత్ర‌మే కావ‌డం విశేషం. ఈ సీన్ చాలా బాగా వ‌చ్చింద‌ని, ప్రేక్ష‌కులు ఆ సీన్ చూసి థ్రిల్ ఫీల‌వుతారని ట్విట్ట‌ర్‌లో ద‌ర్శ‌కుడు సంప‌త్ నంది తెలియ‌జేశాడు.