నాలుగేళ్ల తరువాత గోపీచంద్...
- IndiaGlitz, [Wednesday,October 28 2015]
'లౌక్యం'తో మ‌ళ్లీ ఫామ్‌లోకి వ‌చ్చాడు గోపీచంద్. ఆ తరువాత చేసిన 'జిల్' లాభాల పంట పండించ‌క‌పోయినా.. అత‌ని స్టైలీష్ లుక్‌కి మార్కులు ప‌డేలా చేసింది. ఇదే జోరులో డిసెంబ‌ర్ 25న 'సౌఖ్యం' తో ప‌ల‌క‌రించ‌నున్నాడు గోపీ. అంటే.. ఈ ఏడాది ప్రారంభంలో 'జిల్'.. చివ‌రిలో 'సౌఖ్యం'.. మొత్తంగా రెండు సినిమాలు గోపీచంద్ ఖాతాలో ఉన్నాయ‌న్న‌మాట. ఇంత‌కుముందు కూడా ఏడాదికి రెండేసి సినిమాల‌తో ప‌ల‌క‌రించిన అనుభ‌వం గోపీకుంది. అయితే 2011తరువాత.. అంటే నాలుగేళ్ల తరువాత రెండేసి సినిమాల‌తో గోపీ ప‌ల‌క‌రించ‌డం మాత్రం ఇదే. 'సౌఖ్యం' కూడా 'లౌక్యం' రేంజ్‌లో ఆడాల‌ని ఆశిద్దాం.