గోపీచంద్ బ‌యోపిక్ కూడా అదే పార్ములాలోనే..
- IndiaGlitz, [Saturday,October 27 2018]
ప్రముఖ బ్యాడ్మింట‌న్ కోచ్ పుల్లెల గోపీచంద్ బ‌యోపిక్‌కు రంగం సిద్ధ‌మ‌వుతుంది. ప్ర‌స్తుతం స్క్రిప్ట్ వ‌ర్క్‌తో పాటు ప్రీ ప్రొడ‌క్ష‌న్ వ్య‌వ‌హారాల‌ను ప‌ర్య‌వేక్షిస్తున్నాడ‌ట ద‌ర్శ‌కుడు ప్ర‌వీణ్ స‌త్తారు. నేష‌న‌ల్ బ్యాడ్మింట‌న్ కోచ్‌గా సుధీర్‌బాబు న‌టిస్తున్నారు. లేటెస్ట్ న్యూస్ ప్ర‌కారం ఈ బ‌యోపిక్‌ను రెండు భాగాలుగా తెర‌కెక్కించ‌బోతున్నారు.
ఒక భాగంలోనే గోపీచంద్ బ‌యోపిక్‌ను చెప్పాల‌ని ప్ర‌య‌త్నం చేస్తే అసంపూర్తిగా అనిపిస్తుంద‌ని భావించిన నిర్మాణ సంస్థ‌లు ఫాక్స్ స్టార్ స్టూడియోస్‌, అబున్‌డాటియా .. రెండు భాగాలుగా గోపీచంద్ బ‌యోపిక్‌ను తెర‌కెక్కించాల‌నుకుంటున్నారు. తొలి పార్ట్‌లో గోపీచంద్ బ్యాడ్మిట‌న్ ప్లేయ‌ర్‌గా ఎదిగిన వైనాన్ని.. రెండో భాగంలో గోపీచంద్ సాధించిన విజ‌యాల‌ను తెర‌కెక్కిస్తార‌ట.