మెలోడీ పాట‌ల‌కు పెట్టింది పేరుగా వినిపిస్తున్న స్వ‌ర‌క‌ర్త‌ పేర్ల‌లో సంగీత ద‌ర్శ‌కుడు గోపీసుంద‌ర్ ఒక‌రు. మ‌ల‌యాళంలో ప‌లు హిట్ చిత్రాల‌కు స్వ‌రాలు అందించిన గోపీ.. తెలుగులోనూ 'మ‌ళ్లీ మ‌ళ్లీ ఇది రాని రోజు', 'భ‌లే భ‌లే మ‌గాడివోయ్' చిత్రాలకూ ఆక‌ట్టుకునే ట్యూన్స్ ఇచ్చారు. ఈ ఏడాదిలోనే రిలీజైన ఈ రెండు సినిమాలకు గానూ గోపీ సంగీతానికి మంచి పేరు వ‌చ్చింది.

ప్ర‌స్తుతం గోపీ సుంద‌ర్‌.. మ‌రి కొన్ని తెలుగు చిత్రాల‌కు సంగీత‌మందించే ప‌నిలో ఉన్నాడు. విశేష‌మేమిటంటే.. వాటిలో రెండు సినిమాలు తండ్రీకొడుకుల సినిమాలు కావ‌డం. నాగార్జున న‌టిస్తున్న 'ఊపిరి' కోసం బాణీలందిస్తున్న గోపీ.. అత‌ని త‌న‌యుడు నాగ‌చైత‌న్య న‌టిస్తున్న 'మ‌జ్ను' ('ప్రేమ‌మ్' రీమేక్‌)కి కూడా ఓ సంగీత ద‌ర్శ‌కుడిగా వ్య‌వ‌హ‌రిస్తున్నాడు. తండ్రీకొడుకులిద్ద‌రితోనూ ఏక‌కాలంలో ప‌నిచేస్తున్న గోపీకి మంచి విజ‌యాలు ల‌భించాల‌ని ఆశిద్దాం.