అంత త‌క్కువ బ‌డ్జెట్లో ఆ క్వాలిటీ ఎలా సాధ్య‌మైంది..? `గూఢ‌చారి` సినిమాను చూసిన వారంద‌రిదీ ఒకే ప్ర‌శ్న‌. అయినా స‌రైనా ప్ర‌ణాళిక‌తో, ప‌క్కాగా చేసి చూపించారు అడివి శేష్‌. ఆయ‌న హీరోగా న‌టించిన సినిమా `గూఢ‌చారి`. ఈ సినిమావిమ‌ర్శ‌కుల ప్ర‌శంస‌లు పొంద‌డంతో పాటు, చాలా మంది రెవెన్యూను కూడా తెచ్చుకుంది. ఈసినిమాకు సీక్వెల్ ఉంటుంద‌ని తొలి భాగం చివ‌ర‌లో హింట్ ఇచ్చారు.

ఆ సినిమాకు క‌థ‌ను అందించిన శేష్ ఇప్పుడు సీక్వెల్ కోసం క‌థ‌ను సిద్ధం చేస్తున్నారు. అందులో ఉన్న ప్ర‌కాష్‌రాజ్‌, సుప్రియ పాత్ర‌లు ఇందులోనూ ఉంటాయ‌ని వినికిడి. శోభిత ధూళిపాళ‌కు సంబంధించి ఒక‌టీ, రెండు స‌న్నివేశాలు కూడా ఉండే అవ‌కాశం ఉంద‌ట‌. ఆమె జ్ఞాప‌కాల‌ను హీరో త‌ల‌చుకునే స‌న్నివేశాల‌ని తెలిసింది. ఈ సినిమాను శ‌శికిర‌ణ్ తిక్కా ద‌ర్శ‌క‌త్వం చేయ‌డం లేద‌ట‌. తొలి భాగానికి స్క్రిప్ట్ సైడ్ ప‌నిచేసిన రాహుల్ పాకాల ద‌ర్శ‌క‌త్వం వ‌హిస్తార‌ట‌. ప్ర‌స్తుతం జ‌రుగుతున్న స్టోరీ డిస్క‌ష‌న్స్ లో రాహుల్‌, శ‌శికిర‌ణ్‌, అడివి శేష్ ముగ్గురూ ఉన్నార‌ట‌. సో త్వ‌ర‌లోనే ఈ చిత్రానికి సంబంధించి మిగిలిన వివ‌రాలు తెలియ‌నున్నాయి.