మిల్కీ బ్యూటీ తమన్నా తొలిసారి హర్రర్ థ్రిల్లర్ మూవీ అభినేత్రి`లో నటించనున్న సంగతి తెలిసిందే. ఈ చిత్రంలో తమన్నా టైటిల్ రోల్ పోషిస్తుండగా ప్రభుదేవా ప్రధానపాత్రలో కనపడనున్నాడు. ఎ.ఎల్.విజయ్ దర్శకత్వంలో తెరకెక్కుతోన్న ఈ చిత్రాన్ని తెలుగు, తమిళం, హిందీ భాషల్లో చిత్రీకరిస్తున్నారు. తెలుగులో ఈ చిత్రాన్ని కోనవెంకట్ విడుదల చేస్తున్నారు.

ఈ చిత్రాన్నిఎం.వి.వి. సినిమా ప్రొడక్షన్స్, కోన ఫిలింస్ కార్పొరేషన్, బ్లూ సర్కిల్ కొర్పొరేషన్, బ్లూ సినిమా బ్యానర్స్ రూపొందిస్తున్నాయి. ఎం.వి.వి.సత్యనారాయణ నిర్మాత. ఈ సినిమా ఫస్ట్ లుక్ ను విడుదల చేస్తున్నారు. తాజా సమాచారం ప్రకారం ఈ చిత్రంలో బాలీవుడ్ కొరియోగ్రాఫర్, దర్శకురాలు ఫరాఖాన్ అతిథి పాత్రలో కనిపించనుందట. అలాగే హాలీవుడ్ స్క్రిప్ట్ రైటర్ పాల్ అరోన్ ఈ సినిమాకు స్క్రిప్ అందిస్తుండటం విశేషం. ఎమీజాక్సన్ కూడా స్పెషల్ సాంగ్ చేస్తుంది. మరి ఇన్ని స్పెషాలిటీలు ఉన్న అభినేత్రి ఏం చేస్తుందో చూడాల్సిందే...