ధనుష్ ఫ్యాన్స్‌కు గుడ్ న్యూస్.. ఇంటర్నేషనల్ ప్రాజెక్టులో ఛాన్స్..
- IndiaGlitz, [Friday,December 18 2020]
ధనుష్ అభిమానులకు గుడ్ న్యూస్. ధనుష్‌కు అద్భుతమైన అవకాశం దక్కంది. ఇంటర్నేషనల్ ప్రాజెక్టులో నటించే అవకాశాన్ని ఈ తమిళ్ హీరో దక్కించుకున్నాడు. నెట్‌ఫ్లిక్స్ యాక్షన్ థ్రిల్లర్ ది గ్రే మ్యాన్ తారాగణంలో ధనుష్ కూడా చేరిపోయాడు. వాగ్నర్ మౌరా, జెస్సికా హెన్‌విక్, జూలియా బట్టర్స్‌తో పాటు ధనుష్ కూడా రూసో బ్రదర్స్.. ‘ది గ్రేమ్యాన్’లో కీలక పాత్రల కోసం సైన్ చేసినట్టు గురువారం నెట్‌ఫ్లిక్స్ ప్రకటించింది. ర్యాన్ గోస్లింగ్, క్రిస్ ఎవాన్స్, అనా డి అర్మాస్ ఇంతకు ముందు రూసో బ్రదర్స్ దర్శకత్వంలో నటించారు.
ది గ్రే మ్యాన్ అనేది మార్క్ గ్రీనీ 2009లో రాసిన నవల ఆధారంగా.. అదే పేరుతో రూపొందనుంది. అయితే ధనుష్ పాత్రకు సంబంధించిన వివరాలు ఇంకా వెల్లడి కాలేదు. లాయిడ్ హాన్సెన్ ఎవరి కోసమైతే ప్రపంచ వ్యాప్తంగా వేటాడాడో ఆ జెంట్రీ పాత్రను ర్యాన్ గోస్లింగ్ పోషిస్తున్నట్లు సమాచారం. కాగా.. ధనుష్ నటించబోయే రెండవ అంతర్జాతీయ ప్రాజెక్ట్ ఇదే కావడం విశేషం. 2018లో ది ఎక్స్‌ట్రార్డినరీ జర్నీ ఆఫ్ ది ఫకీర్ అనే ఇంటర్నేషనల్ ప్రాజెక్ట్‌లో ధనుష్ నటించాడు.