ஆசிய தடகள சாம்பியன்ஷிப் போட்டியில் 800 மீட்டர் ஓட்டப்பந்தயத்தில் இந்தியாவுக்கு தங்கம் வாங்கி கொடுத்த தமிழக வீராங்கனை கோமதி மாரிமுத்துவுக்கு நாடெங்கிலும் இருந்து வாழ்த்துக்கள் குவிந்து வருகிறது. தமிழக முதல்வர் உள்பட அரசியல்வாதிகளும் திரையுலக பிரபலங்களும் கோமதிக்கு தங்கள் வாழ்த்துக்களை தெரிவித்து வருகின்றனர்.

இந்த நிலையில் முதல்முறையாக வெறும் வாழ்த்து மட்டும் தெரிவிக்காமல் தன்னால் இயன்ற ஒரு சிறு அன்பளிப்பாக நடிகர் ரோபோசங்கர் ரூ.1 லட்சம் கோமதிக்கு வழங்கவிருப்பதாக அறிவித்தார். மேலும் ஒரு வறுமையின் கொடுமையை தான் சின்ன வயதில் அனுபவித்துள்ளதால் அந்த வலி தனக்கு தெரியும் என்றும், அதேபோல் ஏழை குடும்பத்தில் இருந்து வந்த ஒரு விவசாயி மகளுக்கு உதவி செய்வதில் பெருமை அடைவதாகவும் ரோபோ சங்கர் தெரிவித்திருந்தார்

இந்த நிலையில் ரோபோசங்கரின் இந்த உதவிக்கு கோமதி நன்றி தெரிவித்துள்ளார். மேலும் தன்னைப்போல் விளையாட்டு துறையில் ஆர்வமுள்ள பலர் கிராமங்களில் கஷ்டப்பட்டு கொண்டு இருப்பதாகவும், அவர்களுக்கு தமிழக அரசும் இந்திய அரசும் நிதியுதவி செய்து அவர்களுடைய திறமையை வெளிக்கொண்டு வர உதவி செய்ய வேண்டும் என்றும் அவர் கேட்டுக்கொண்டுள்ளார்.

ஒரு லட்சம் ரூபாய் பரிசளித்த நடிகர் ரோபோ சங்கருக்கு
நன்றி தெரிவித்தார்
கோமதி மாரிமுத்து#GomathiMarimuthu pic.twitter.com/3iQHZkRwaK

— Kayal Devaraj (@devarajdevaraj) April 25, 2019