பிரபல இயக்குனர் மற்றும் ஒளிப்பதிவாளர் இயக்கிய 'கோலி சோடா' திரைப்படம் கடந்த 2014ஆம் ஆண்டு வெளியாகி சூப்பர் ஹிட் ஆகியது. ரூ.2 கோடியில் தயாரான இந்த படம் சென்னையில் மட்டுமே ரூ.3 கோடியும் தமிழகம் முழுவதும் முதல் இரண்டு வாரத்தில் ரூ.8 கோடி வசூல் செய்து பிரமாண்ட வெற்றி பெற்றது.

இந்த நிலையில் இந்த படத்தின் இரண்டாம் பாகமான 'கோலி சோடா 2' திரைப்படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் சமீபத்தில் முடிவடைந்த நிலையில் இந்த படத்தின் ரிலீஸ் தேதி தற்போது அறிவிக்கப்பட்டுள்ளது. இந்த படம் வரும் 18ஆம் தேதி ரிலீஸ் உலகம் முழுவதும் ஆகவுள்ளதாக அறிவிக்கப்பட்டுள்ளது.

சமுத்திரக்கனி, செம்பன் வினோத் ஜோஸ், ரோஹினி, சுபிக்சா, ரேகா உள்ளிட்ட பலர் நடித்துள்ள இந்த படத்தில் இயக்குனர் கவுதம் மேனன் முக்கிய வேடம் ஒன்றில் நடித்துள்ளார். விஜய் மில்டன் இயக்கி ஒளிப்பதிவு செய்துள்ள இந்த படத்தை தீபக் படத்தொகுப்பு செய்துள்ளார்.