பிரபல இயக்குனர் மற்றும் ஒளிப்பதிவாளர் இயக்கிய 'கோலி சோடா 2' திரைப்படம் மே மாதம் 18ஆம் தேதி வெளியாகும் என்று சமீபத்தில் அறிவிக்கப்பட்டு அதற்கான புரமோஷன் பணிகளும் நடந்து வருகிறது.

இந்த நிலையில் தயாரிப்பாளர் சங்கத்தின் திரைப்பட வெளியீட்டு குழுவின் அறிவுரையின்படி இந்த படத்தின் ரிலீஸ் தேதி மாற்றப்பட்டுள்ளதாக இயக்குனர் விஜய் மில்டன் தனது சமூக வலைத்தளத்தில் அறிவித்துள்ளார். இதன்படி இந்த படம் வரும் ஜூன் மாதம் 14ஆம் தேதி வெளியாகவுள்ளதாக அறிவிக்கப்பட்டுள்ளது. இந்த தேதியில் கோலிசோடா 2 வெளியாவதற்கு திரைப்பட வெளியீட்டு ஒழுங்குபடுத்தும் குழு அனுமதி அளித்து கடிதம் எழுதியுள்ளது என்பது குறிப்பிடத்தக்கது.

சமுத்திரக்கனி, செம்பன் வினோத் ஜோஸ், ரோஹினி, சுபிக்சா, ரேகா உள்ளிட்ட பலர் நடித்துள்ள இந்த படத்தில் இயக்குனர் கவுதம் மேனன் முக்கிய வேடம் ஒன்றில் நடித்துள்ளார். விஜய் மில்டன் இயக்கி ஒளிப்பதிவு செய்துள்ள இந்த படத்தை தீபக் படத்தொகுப்பு செய்துள்ளார்.