ரூ.5 லட்சம் மதிப்பிலான தங்க மாஸ்க்கோடு வலம்வரும் மனிதர்… வைரல் புகைப்படம்!
- IndiaGlitz, [Saturday,July 03 2021]
உத்திரப்பிரதேசம் கான்பூரில் எப்போதும் கிலோ கணக்கில் தங்கத்தை அணிந்து வலம்வரும் நபர் ஒருவர் தற்போது ரூ.5 லட்சம் மதிப்பிலான பிரத்யேக மாஸ்க்கை உருவாக்கி அணிந்து வருகிறார். இதனால் அவருடைய புகைப்படங்கள் சோஷியல் மீடியாவில் வைரலாகி வருகின்றன.
கான்பூரில் வசித்துவரும் மனோஜ் சென்கர் என்பவருக்கு தங்கத்தின் மீது அலாதி பிரியமாம். இதனால் அவரை மக்கள் “கோல்டன் பாபா“ என்றே அழைத்து வருகின்றனர். எப்போதும் கிலோ கணக்கில் தங்கத்தை அணிந்து கொள்ளும் கோல்டன் பாபா தற்போது கொரோனா நேரத்தில் ரூ.5 லட்சம் மதிப்பிலான தங்க மாஸ்க்கை உருவாக்கி அணிந்து வருகிறார். மேலும் இந்த மாஸ்க்கின் உட்புறம் கிருமிநானிசி கொண்டு பூசப்பட்டு இருக்கிறதாம்.
3 அடுக்குகளால் உருவாக்கப்பட்டுள்ள இந்த மாஸ்க்கை 3 வருடம் வரை பயன்படுத்தலாம் என்றும் கூறப்படுகிறது. தனது பிரத்யேக மாஸ்க் குறித்து கருத்து கூறும் கோல்டன் பாபா, கொரோனா நேரத்தில் பலரும் மாஸ்க் அணிய தயங்குகின்றனர். முறையான பாதுகாப்போடு அனைவரும் மாஸ்க் அணியவேண்டும் என்றும் அவர் கேட்டுக் கொண்டுள்ளார்.