தளபதி விஜய் நடித்த ‘கோட்’ திரைப்படம் கடந்த செப்டம்பர் 5ஆம் தேதி வெளியாகி ரூ.450 கோடிக்கு மேல் திரையரங்குகளில் வசூல் ஆனது என்பது தெரிந்தது. திரையரங்கில் மாபெரும் வெற்றி பெற்ற ‘கோட்’ திரைப்படம் கடந்த வாரம் நெட்பிளிக்ஸ் வெளியான நிலையில், இந்த படத்தை ரசிகர்கள் மட்டும் அல்லாமல், குடும்ப ஆடியன்ஸ் மிகவும் ஆர்வமாக பார்த்து வருவதாகவும், மிக அதிகமான நபர்களால் பார்க்கப்பட்ட படம் என்ற பெருமையை விரைவில் பெரும் என்றும் கூறப்படுகிறது.

தமிழ் மட்டுமின்றி மலையாளம், கன்னடம், தெலுங்கு, ஹிந்தி என ஐந்து மொழிகளில் நெட்பிளிக்ஸ் ஓடிடியில் ‘கோட்’ திரைப்படம் வெளியாகி உள்ளது. மேலும், இந்த படத்தின் நீக்கப்பட்ட காட்சிகளை விரைவில் வெளியிட இருப்பதாக இயக்குனர் வெங்கட் பிரபு தெரிவித்துள்ளார். இதனால் ரசிகர்களுக்கு இன்னொரு விருந்து காத்திருக்கிறது.

ஏற்கனவே விஜய்யின் ’லியோ’ திரைப்படத்திற்கு நெட்பிளிக்ஸ் ஓடிடியில் நல்ல வரவேற்பு கிடைத்த நிலையில், ‘கோட்’ படத்திற்கு அதைவிட அதிக வரவேற்பு கிடைத்துள்ளது.

கேப்டன் விஜயகாந்த் ஏஐ காட்சிகள், விறுவிறுப்பான திரைக்கதை, படையப்பா, மங்காத்தா ஆகிய படங்களின் பின்னணியை இசையை கொண்டு உருவாகியுள்ள ‘கோட்’ திரைப்படம் ஒரு கமர்சியல் படம் என ரசிகர்கள் கொண்டாடும் வகையில் அமைந்துள்ளது.