தளபதி விஜய் நடித்த ‘கோட்’ திரைப்படம் நாளை உலகம் முழுவதும் வெளியாக இருக்கும் நிலையில் இன்று இந்த படத்தின் தயாரிப்பாளர் அர்ச்சனா கல்பாத்தி அமைச்சர் உதயநிதி ஸ்டாலினுக்கும் தமிழக அரசுக்கும் நன்றி தெரிவித்துள்ளார்.

தளபதி விஜய் நடிப்பில், வெங்கட் பிரபு இயக்கத்தில் உருவான ’கோட்’ திரைப்படம் உலகம் முழுவதும் மிகப்பெரிய எதிர்பார்ப்பை ஏற்படுத்தி உள்ள நிலையில் நாளை பிரமாண்டமாக திரையரங்குகளில் வெளியாக உள்ளது.

’கோட்’ திரைப்படம் தமிழகத்தின் அண்டை மாநிலங்களில் அதிகாலை காட்சிகள் திரையிடப்பட உள்ள நிலையில் தமிழகத்தில் சிறப்பு காட்சிகள் திரையிட அனுமதி கேட்டு தயாரிப்பாளர் தரப்பில் விண்ணப்பம் செய்யப்பட்டிருந்தது.

அந்த வகையில் தற்போது காலை 9 மணி முதல் அதிகபட்சமாக ஐந்து காட்சிகள் நாளை ஒரு நாள் மட்டும் திரையிட தமிழக அரசு அனுமதி அளித்துள்ளது. இது குறித்து அறிவிப்பும் அதிகாரப்பூர்வமாக வெளியாகி உள்ள நிலையில் இந்த படத்தின் தயாரிப்பாளர் அர்ச்சனா கல்பாத்தி சிறப்பு காட்சிக்கு அனுமதி அளித்த தமிழக அரசுக்கும் அமைச்சர் உதயநிதி ஸ்டாலின் அவர்களுக்கும் தனது நன்றியை தெரிவித்துள்ளார். இதையடுத்து தமிழகத்தில் ’கோட்’ திரைப்படம் காலை 9 மணிக்கு முதல் காட்சி திரையிடப்பட உள்ளது என்பது குறிப்பிடத்தக்கது.