தமிழ்நாட்டில் 'கோட்' படத்தின் முதல் காட்சி எத்தனை மணிக்கு? விறுவிறுப்பான முன்பதிவு..!
- IndiaGlitz, [Monday,September 02 2024]
தளபதி விஜய் நடித்த ‘கோட்’ திரைப்படம் செப்டம்பர் 5ஆம் தேதி உலகம் முழுவதும் வெளியாக இருக்கும் நிலையில் இந்த படத்தின் முதல் நாள் முதல் காட்சி எத்தனை மணிக்கு என்பது குறித்த தகவல் தற்போது கிட்டத்தட்ட உறுதி செய்யப்பட்டுள்ளது.
கடந்த சில மாதங்களாகவே தமிழகத்தில் முதல் காட்சி 9 மணிக்கு மட்டுமே தொடங்கப்படும் நிலையில் ரஜினி, கமல், அஜித், விஜய் போன்ற பெரிய நடிகர்களின் படங்களுக்கு மட்டும் தமிழக அரசின் சிறப்பு அனுமதி பெற்று 7 மணி காட்சி திரையிடப்பட்டு வருகிறது.
தமிழகத்தில் கடந்த சில மாதங்களாக அதிகாலை 4 மணி காட்சிக்கு அனுமதி இல்லை என்ற நிலையில் ‘கோட்’ படத்திற்கும் 4 மணி காட்சிக்கு அனுமதி வழங்கப்பட வாய்ப்பு இல்லை என்று கூறப்படுகிறது.
இந்த நிலையில் கோவையில் உள்ள ஒரு தியேட்டரில் அதிகாலை 7 மணி காட்சிக்கு முன்பதிவு தொடங்கியுள்ள நிலையில் இந்த படம் தமிழ்நாட்டின் முதல் காட்சி 7 மணிக்கு தொடங்கும் என்று கூறப்படுகிறது. ‘கோட்’ படத்தின் தயாரிப்பு நிறுவனம் தமிழக அரசிடம் விண்ணப்பித்து 7 மணி காட்சிக்கு அனுமதி பெற்று விடும் என்ற நம்பிக்கையின் காரணமாக தான் 7 மணி காட்சிக்கான முன்பதிவு விறுவிறுப்பாக நடந்து வருகிறது என்பது குறிப்பிடத்தக்கது.