'கோட்' 'கங்குவா' ஓடிடி பிசினஸ் எத்தனை கோடிகள்? ஆச்சரியமான தகவல்..!
- IndiaGlitz, [Wednesday,April 03 2024]
தளபதி விஜய் நடித்த ’கோட்’ மற்றும் சூர்யா நடித்து முடித்துள்ள ‘கங்குவா’ ஆகிய படங்களில் ஓடிடி பிசினஸ் குறித்த தகவல் வெளியாகி இணையத்தில் வைரல் ஆகி வருகிறது.
தளபதி விஜய் நடிப்பில், வெங்கட் பிரபு இயக்கத்தில், யுவன் சங்கர் ராஜா இசையில், ஏஜிஎஸ் நிறுவனத்தில் தயாரிப்பில் உருவாகி வரும் ’கோட்’ படத்தின் இறுதிக்கட்ட படப்பிடிப்பு விரைவில் ரஷ்யாவில் நடைபெற உள்ளது. இந்த நிலையில் இந்த படத்தின் பிசினஸ் ஏற்கனவே ஆரம்பித்து விட்ட நிலையில் சமீபத்தில் நெட்பிளிக்ஸ் நிறுவனம் இந்த படத்தை 90 கோடி ரூபாய்க்கு வாங்கி இருப்பதாக கூறப்படுகிறது.
அதே போல் சூர்யா நடிப்பில், சிறுத்தை சிவா இயக்கத்தில் உருவாகியுள்ள ‘கங்குவா’ படத்தின் ஓடிடி உரிமையை அமேசான் நிறுவனம் ரூ.80 கோடிக்கு கைப்பற்றி இருப்பதாகவும் கூறப்படுகிறது. இந்த பிசினஸ் தொகை எந்த அளவுக்கு உண்மை என்று தெரியவில்லை என்றாலும் கோலிவுட் திரையுலகில் பரபரப்பாக பேசப்படும் ஒரு விஷயம் என்னவென்றால் விஜய்யின் மார்க்கெட் சூர்யா நெருங்கி விட்டார் என்பதுதான்.
விஜய்க்கும் சூர்யாவுக்கும் இடையே பிசினஸ் தொகை என்பது வெறும் பத்து கோடி தான் வித்தியாசம் என்ற நிலையில் இந்த படத்தின் மற்ற ரிலீஸ் உரிமைகளின் வியாபாரம் குறித்த தகவல் வெளியானால் மிகப்பெரிய ஆச்சரியம் காத்திருக்கிறது என்றும் கோலிவுட் திரை உலக பிரபலங்கள் தெரிவித்து வருகின்றனர்.