தளபதி விஜய் நடித்த ‘கோட்’ திரைப்படம் சமீபத்தில் வெளியாகி நல்ல வரவேற்பை பெற்ற நிலையில் இந்த படத்தில் நடித்த முக்கிய நடிகர் விரைவில் ’சூர்யா 44 ’ படத்தில் இணைய இருப்பதாக கூறப்படுகிறது.

சூர்யா நடிப்பில், கார்த்திக் சுப்புராஜ் இயக்கத்தில் உருவாகி வரும் ’சூர்யா 44’ படத்தின் படப்பிடிப்பு விறுவிறுப்பாக நடைபெற்று வருகிறது என்பது தெரிந்தது. இந்த படத்தின் முதற்கட்ட படப்பிடிப்பு அந்தமானில் நடந்த நிலையில் அடுத்த கட்ட படப்பிடிப்பு தற்போது ஊட்டியில் நடைபெற்று வருகிறது.

இந்த நிலையில் இந்த படத்தில் ஏற்கனவே ஜெயராம் நடித்து வரும் நிலையில் அவருடைய மகன் காளிதாஸ் ஜெயராம் இணைந்ததாக கூறப்பட்ட நிலையில் தற்போது ‘கோட்’ படத்தில் முக்கிய கேரக்டரில் நடித்த பிரசாந்த் இந்த படத்தில் இணைய இருப்பதாகவும் இது குறித்த பேச்சுவார்த்தை நடந்து வருவதாகவும் விரைவில் அதிகாரப்பூர்வ அறிவிப்பு வெளியாகும் என்றும் கூறப்படுகிறது.

பிரசாந்த் மட்டுமின்றி இந்த படத்தில் பிரகாஷ்ராஜ் ஒரு முக்கிய கேரக்டரில் நடிக்க இருப்பதாக கூறப்படுவதால் இந்த படத்தில் ஒரு பெரிய நட்சத்திர கூட்டமே நடிக்க உள்ளது என்பது தெரிய வருகிறது.

சூர்யா ஜோடியாக பூஜா ஹெக்டே நடிக்கும் இந்த படத்தில் ஜோஜு ஜார்ஜ், கருணாகரன், ஜெயராம் உள்ளிட்டோர் முக்கிய கேரக்டர்களில் நடிக்கவுள்ளனர். சந்தோஷ் நாராயணன் இசையில், ஜாக்சன் கலை இயக்கத்தில், பிரவீன் ராஜா காஸ்ட்யூம் டிசைனில், ஜெயிக்கா ஸ்டண்ட் இயக்கத்தில் சபிக் முகமது அலி படத்தொகுப்பில் ஸ்ரேயா கிருஷ்ணா ஒளிப்பதிவில் இந்த படம் உருவாகவுள்ளது. மேலும் இந்த படத்தை 2டி என்டர்டெயின்மென்ட் மற்றும் ஸ்டோன் பென்ச் நிறுவனங்கள் இணைந்து தயாரித்து வருகின்றன..