சக்தி இல்லை என்றால் சிவன் இல்லை என்பது உலக வழக்கு. சக்தி இல்லையேல் காயத்ரி இல்லை என்பது பிக்பாஸ் வழக்கு. சக்தி போன சோகத்தில் இருந்து மீளாத காயத்ரி தனது அத்தனை கோபத்தையும் ரைசா மீது காட்ட தொடங்குகிறார் என்பது இன்றைய புரமோ வீடியோவில் இருந்து தெரியவருகிறது. காலை புரமோவில் ஒட்டுமொத்தமாக காயத்ரியை அனைவரும் நாமினேஷன் செய்த வீடியோவை அடுத்து தற்போது காயத்ரியின் கோபம் குறித்து சினேகிதனும், ரைசாவும் பேசுவது போன்ற புரமோ வெளிவந்துள்ளது.

'சக்தி போன கோபத்தை என் மேல் காட்றாங்க' என்று ரைசா சொல்ல அதற்கு சினேகிதன், 'ரைசா மேல உள்ள கோபத்தை விட என்மேல தான் அதிக கோபம் என்று கூற, 'உங்க மேலயும் கோவம் இருக்கலாம், அது என்ன கோபம்ன்னு எனக்கே தெரியாது என்று ரைசா கூற, 'ஓவியாவுக்கு நான் கொஞ்சம் சப்போர்ட் செய்து பேசியதால் என்மேல் அவருக்கு கோபம்' என்று சினேகிதன் கூற அதற்கு ரைசா, 'நீங்க எல்லோரும் போய் சாவுங்க' என்று எரிச்சலுடன் கூறுகிறார்.

ஒருசில நாட்களுக்கு முன் ஓவியாவை தனிமைப்படுத்தி நரிக்கூட்டங்கள் ஒன்றாகின. தற்போது ஓவியா வெளியே வந்து ரசிகர்கள் கூட்டத்தில் அன்பு மழையில் நனைகிறார். ஆனால் ஓவியா தனிமைப்படுத்திய நரிக்கூட்டங்கள் தற்போது பிக்பாஸ் வீட்டின் உள்ளே தனிமையை உணர்ந்து வருந்துகின்றனர். இதுதான் 'முற்பகம் செய்யின் பிற்பகல் விளையும், 'தெய்வம் நின்று கொல்லும்' என்பதோ!

எரிச்சலடையும் #ரைசா! #VivoBiggBoss இன்று இரவு 9 மணிக்கு உங்கள் விஜயில்.. @Vivo_India #BiggBossTamil pic.twitter.com/CpSvuzE49h

— Vijay Television (@vijaytelevision) August 14, 2017