உயிருக்கு போராடிய இளம்பெண், ரஜினியால் குணமாகும் அதிசயம்
- IndiaGlitz, [Friday,November 15 2019]
அனீஷா என்ற இளம்பெண் பல்வேறு நோய்களால் அவதியுற்று சிகிச்சை பெற்று வருகிறார். தினமும் இரவு 7 மாத்திரகள் சாப்பிடும் இவர் தனது நோயின் தீவிரம் காரணமாக மன உளைச்சலுக்கு ஆளாகி ஒருசில முறை தற்கொலைக்கும் முயன்றுள்ளார்.
எந்த வேலையும் செய்ய முடியாமல், உயிரை கையில் பிடித்து, வாழவே பிடிக்காமல் இருந்த இந்த இளம்பெண்ணுக்கு சமீபகாலமாக மன தைரியமும், அதனால் நோயின் தாக்கமும் குறைந்துள்ளது. இவரது தாய் இவருக்காக லட்சக்கணக்கில் பணம் செலவு செய்தும் குறையாத நோய், இவர் ஒரு மனிதரை சந்தித்ததால் குறைய ஆரம்பித்துள்ளது. அதுமட்டுமின்றி தனக்கு முழுமையாக குணமாகும் என்ற நம்பிக்கையும் வந்துள்ளது. அந்த மனிதர் தான் சூப்பர் ஸ்டார் ரஜினிகாந்த்.
மருத்துவர்களே ஆச்சரியப்படும் அளவிற்கு தற்போது அனீஷா தேறி வருவதாகவும், இதெல்லாம் சூப்பர் ஸ்டாரை சந்தித்ததால் கிடைத்த மேஜிக் என்றும் அனீஷா தனது ஃபேஸ்புக்கில் தெரிவித்துள்ளார். சமீபத்தில் விஜய்யின் பாடல்கள் மற்றும் படங்களை பார்த்த மாற்றுத்திறனாளி ஒருவர் குணமாகி வருவது குறித்த செய்தியை பார்த்தோம். தற்போது ரஜினியால் ஒரு இளம்பெண் குணமாகி வருவதை பார்க்கும்போது சூப்பர் ஸ்டார் நடிகர்கள் என்பதையும் தாண்டி இவர்களிடம் ஏதோ இருக்கின்றது என்பதை நம்பித்தான் ஆகவேண்டியுள்ளது