ముంబైకి చెందిన 13 ఏళ్ల బాలికను ఆమె ఫేస్‌బుక్ ఫ్రెండ్ కిడ్నాప్ చేసి అత్యాచారానికి పాల్పడ్డాడు. జులై 1వ తేదీ నుంచి ఆ బాలిక కనిపించకపోవడంతో తల్లి పోలీసులకు ఫిర్యాదు చేసింది. కేసు నమోదు చేసుకున్న పోలీసులు రాజస్థాన్, మధ్యప్రదేశ్‌ల్లోని వేర్వేరు ప్రాంతాల్లో గాలించి 22 ఏళ్ల ప్రధాని నిందితుడిని, అతడి స్నేహితులు నలుగురిని అదుపులోకి తీసుకుని బాలికను రక్షించారు.

ఈ కేసు విషయమై పోలీసులు మాట్లాడుతూ.. బాధిత బాలిక నిందితుడితో ఫేస్‌బుక్‌లో టచ్‌‌లో ఉండేదని తెలిపారు. తామంతా టీమ్స్‌గా విడిపోయి రాజస్థాన్‌లోని జల్వాద్, మధ్యప్రదేశ్‌లోని రాజ్‌ఘర్ తదితర ప్రాంతాల్లో గాలించి నిందితులను పట్టుకుని బాలికను రక్షించామని తెలిపారు. బాలికను రాజస్థాన్ తరలించేందుకు ప్రధాన నిందితుడు తన స్నేహితుల సాయం తీసుకున్నాడని వెల్లడించారు. కాగా ప్రధాన నిందితుడు బాలికపై అత్యాచారానికి పాల్పడ్డాడని పోలీసు అధికారి తెలిపారు.