கிரிஷ் கர்னாட்- கிரேசி மோகன் இணைந்து பணிபுரிந்த ஒரே படம்!
- IndiaGlitz, [Monday,June 10 2019]
இன்று ஒரே நாளில் இரண்டு திரையுலக பிரபலங்கள் மரணம் அடைந்தது திரையுலகினர்களை பெரும் அதிர்ச்சியை ஆழ்த்தியுள்ளது. தமிழ் உள்பட இந்தியாவின் முன்னணி மொழிகளில் குணசித்திர மற்றும் வில்லன் வேடங்களில் நடித்த கிரிஷ் கர்னாட் மற்றும் தமிழ் திரையுலகில் நடிகர், கதாசிரியர், வசனகர்த்தாவாகவும், நாடகத்துறையில் உள்ளவருமான கிரேசி மோகன் ஆகிய இருவரும் இன்று இவ்வுலகில் இருந்து விடை பெற்றுள்ளனர்.
இந்த நிலையில் அபூர்வமாக கிரிஷ் கர்னாட், கிரேசி மோகன் ஆகிய இருவரும் 'ரட்சகன்' என்ற படத்தில் பணிபுரிந்துள்ளனர். நாகார்ஜூனா, சுஷ்மிதாசென் நடிப்பில் பிரவீண் காந்தி இயக்கத்தில் ஏ.ஆர்.ரஹ்மான் இசையமைத்துள்ள இந்த படத்தில் நாயகியின் தந்தையாகவும், வில்லனாகவும் கிரிஷ் கர்னாட் நடித்திருந்தார். அதேபோல் இந்த படத்திற்கு கிரேசி மோகன் வசனம் எழுதியிருந்தார்.
ரட்சகன் படத்தில் பணிபுரிந்த இரண்டு திரையுலக மேதைகள் இன்று ஒரே நாளில் மரணம் அடைந்திருப்பதும், இருவருக்கும் அஞ்சலி செலுத்தும் வகையில் தமிழ் தொலைக்காட்சி ஒன்று இந்த படத்தை இன்று ஒளிபரப்பியது என்பதும் குறிப்பிடத்தக்கது