தடைகளை எதிர்கொண்டு பயணத்தை தொடரும் ஜிப்ரான் குழுவினர்
- IndiaGlitz, [Saturday,September 03 2016]
முதல் இரண்டு பாடல்களை இரண்டு நாடுகளில் வெளியிட்ட பின்னர் மூன்றாவது பாடலை மியான்மர் நாட்டில் வெளியிட ஜிப்ரான் குழுவினர் சென்றபோது எதிர்பாராத பூகம்பம் அவர்களுடைய பயணத்திற்கு தடையாக இருந்தது. எனவே ஒருவார காலம் மியான்மர் எல்லையில் காத்திருந்த அவர்கள் பாதுகாப்பு கருதி மிண்டும் சென்னைக்கே திரும்பிவிட முடிவு செய்தனர்.
ஆனால் ஜிப்ரானின் குடும்பத்தினர் மற்றும் அன்பிற்குரியவர்கள் கொடுத்த ஆதரவு, நம்பிக்கை மற்றும் ஊக்கம் காரணமாக தற்போது இக்குழுவினர் மாற்றுவழியில் தங்கள் பயணத்தை தொடரவுள்ளனர். இந்த பாதையானது சற்று தூரமாக இருந்தாலும், எடுத்த காரியத்தை வெற்றிகரமாக முடிக்க வேண்டும் என்பதில் மன உறுதியோடு ஜிப்ரானும், அவருடைய குழுவினரும் செயல்பட்டு வருகின்றனர் என்பது குறிப்பிடத்தக்கது.
'சென்னை 2 சிங்கப்பூர்' பயணம் தற்போது மீண்டும் தொடங்கிவிட்டதாகவும், தங்கள் படத்தின் மற்ற பாடல்களை திட்டமிட்ட நாடுகளில் வெளியிட சிங்கப்பூரை நோக்கி வெற்றிகரமாக பயணத்தை தொடர்வதாகவும் தகவல் கிடைத்துள்ளது.
மியான்மரில் மூன்றாவது பாடலையும் மற்ற பாடல்களை திட்டமிட்டபடியும் ஜிப்ரான் குழுவினர் வெளியிட வாழ்த்துக்கள் குவிந்து வருகிறது.