'கஜினி 2' படத்தில் 2 ஹீரோக்கள், 2 கஜினிக்கள்? வேற லெவல் தகவல்..!
- IndiaGlitz, [Monday,October 21 2024]
ஏஆர் முருகதாஸ் இயக்கத்தில், சூர்யா, அசின், நயன்தாரா நடித்த ’கஜினி’ திரைப்படம் கடந்த 2005 ஆம் ஆண்டு வெளியானது என்பதும் மிகப்பெரிய வெற்றி பெற்ற இந்த படம் 2008 ஆம் ஆண்டு ஹிந்தியில் ரீமேக் செய்யப்பட்டது என்பதும் ஹிந்தியில் அமிர்தான், அசின் உள்ளிட்டோர் நடித்த நிலையில், இந்த படமும் மிகப்பெரிய வெற்றி பெற்றது என்பது தெரிந்தது.
இந்த நிலையில் ’கஜினி’ படத்தின் இரண்டாம் பாகம் மிக விரைவில் உருவாக இருக்கும் நிலையில் இந்த படத்தில் தமிழில் கஜினியாக நடித்த சூர்யா மற்றும் ஹிந்தியில் கஜினியாக நடித்த அமீர்கான் ஆகிய இருவரும் ஒரே படத்தில் இணைய இருப்பதாக கூறப்படுவதால் இந்த படத்தின் இரண்டு கஜினிகளா என்ற தகவல் ரசிகர்களுக்கு பெரும் ஆச்சரியத்தை ஏற்படுத்தி உள்ளது.
முதல் முறையாக சூர்யா மற்றும் அமிர்கான் இணைந்து ’கஜினி 2’ படத்தில் நடிக்க இருக்கும் நிலையில் இந்த படம் குறித்த அறிவிப்பு மிக விரைவில் வெளியாகும் என்று எதிர்பார்க்கப்படுகிறது.
ஆனால் அதே நேரத்தில் இந்த படத்தை ஏஆர் முருகதாஸ் இயக்குவாரா என்ற சந்தேகமும் ஏற்பட்டுள்ளது. தற்போது சிவகார்த்திகேயன் படத்தை இயக்கி வரும் ஏஆர் முருகதாஸ் அடுத்ததாக சல்மான் கான் படத்தையும் இயக்கி வருகிறார். இந்த இரண்டு படங்களையும் இயக்கி முடித்துவிட்டு ’கஜினி 2’ படத்துக்கு செல்வாரா? அல்லது ’கஜினி 2’ படத்தை வேறொரு இயக்குனர் என்பதை பொறுத்து இருந்து தான் பார்க்க வேண்டும்.