ద‌క్షిణాది అమ్మాయి అయిన నిధి అగ‌ర్వాల్ తొలి చిత్రం బాలీవుడ్‌లో న‌టించింది. అక్క‌డ నుండి టాలీవుడ్‌కు నాగ‌చైత‌న్య 'స‌వ్య‌సాచి'తో ఎంట్రీ ఇచ్చింది. ఈ చిత్రం డిజాస్ట‌ర్ అయ్యింది. అయితే మ‌రో అవ‌కాశం ఏకంగా చైత‌న్య త‌మ్ముడు అఖిల్ అక్కినేని 'మిస్ట‌ర్ మ‌జ్ను'లో అవ‌కాశాన్ని ద‌క్కించుకుంది. ఈ సినిమాకు కూడా మిక్స్‌డ్ టాక్ వ‌చ్చింది.

అయితే ఇప్పుడు మ‌రో అవ‌కాశాన్ని అందిపుచ్చుకుంది నిధి అగ‌ర్వాల్ అది కూడా పూరి జ‌గ‌న్నాథ్ సినిమాలోన‌ట‌. అధికారిక స‌మాచారం వెలువ‌డింది. పూరిజ‌గ్నాథ్ ద‌ర్శ‌క నిర్మాణంలో రామ్ హీరోగా రూపొందుతోన్న చిత్రం 'ఇస్మార్ట్ శంక‌ర్‌'.

ఈ చిత్రానికి ఛార్మి కూడా ఓ నిర్మాత‌. ఇప్ప‌టికే తొలి షెడ్యూల్ షూటింగ్ జ‌రుగుతుంది. హీరోయిన్స్ పేర్ల‌లో అను ఇమ్మాన్యుయేల్‌, న‌భా న‌టేష్ పేర్లు ప్ర‌ముఖంగా వినిపించినా.. చివ‌ర్లో నిధి అవ‌కాశాన్ని ద‌క్కించుకుంది. ఈ చిత్రాన్ని మే నెల‌లో విడుద‌ల చేయ‌డానికి స‌న్నాహాలు చేస్తున్నారు.