ஜார்ஜியா நாட்டில் இரண்டு குழந்தைகள் முன் இரண்டு டீன் ஏஜ் இளைஞர்கள் பெண் ஒருவரை பாலியல் பலாத்காரம் செய்யப்பட்ட சம்பவம் அந்நாட்டில் அதிர்ச்சி அலைகளை ஏற்படுத்தியுள்ளது.

கடந்த மே மாதம் 12ஆம் தேதி 17 வயது, 19 வயது இளைஞர்கள் இருவரும் 15 வயது சிறுமி ஒருவரும் ஒரு வீட்டின் கதவை உடைத்து உள்ளே சென்றனர். வீட்டின் உள்ளே இருந்த பெண் ஒருவரை இரண்டு இளைஞர்களும் பாலியல் பலாத்காரம் செய்ய உடன் வந்த சிறுமி கொதிக்கும் நீரை அந்த பெண்ணின் மீது ஊற்றியுள்ளார். இந்த கொடுமைகள் அனைத்தும் அந்த பெண்ணின் இரண்டு குழந்தைகள் கண்முன் நடந்துள்ளது.

இதுகுறித்து பாதிக்கப்பட்ட பெண் கொடுத்த புகாரின் அடிப்படையில் இரண்டு இளைஞர்களையும் போலீசார் கைது செய்துள்ளனர். அவர்களுடன் வந்த சிறுமி குறித்து எந்தவித தகவலும் இல்லை. இந்த வழக்கில் இரண்டு இளைஞர்களுக்கும் கடுமையான தண்டனை வழங்க வேண்டும் என்ற கோரிக்கை சமூக வலைத்தளங்களில் எழுந்துள்ளது.