பொதுச்செயலாளர் பதவியேற்ற சசிகலாவுக்கு கிடைத்த முதல் வெற்றி
- IndiaGlitz, [Tuesday,January 03 2017]
அதிமுக பொதுச்செயலாளராக சமீபத்தில் பதவியேற்ற சசிகலாவுக்கு எதிராக மாநிலங்களவை உறுப்பினர் சசிகலா புஷ்பா தாக்கல் செய்த மனு நேற்று சென்னை ஐகோர்ட்டில் தள்ளுபடி செய்யப்பட்டது. இது சசிகலாவுக்கு கிடைத்த முதல் வெற்றியாக கருதப்படுகிறது.
அதிமுகவின் உள்விவகாரங்களில் தலையிட சசிகலா புஷ்பாவுக்கு தகுதியில்லை என்ற அதிமுக அவைத் தலைவர் மதுசூதனன் தாக்கல் செய்த மனுவை ஏற்று கொண்ட சென்னை ஐகோர்ட், சசிகலா புஷ்பாவின் மனுவை தள்ளுபடி செய்து இந்த வழக்கை முடித்து வைத்தது.
இந்த தீர்ப்பு காரணமாக சசிகலாவின் பொதுச்செயலாளர் பதவிக்கு இருந்த ஒரே ஆபத்தும் நீங்கிவிட்டதால் அவரது பதவிக்கு இனி ஆபத்து இல்லை என்றே கருதப்படுகிறது.