பிரபல தயாரிப்பாளர் அம்மா கிரியேஷன்ஸ் டி.சிவா தயாரிப்பில் அதர்வா நடிப்பில் உருவாகியுள்ள 'ஜெமினி கணேசனும், சுருளிராஜனும்' திரைபப்டத்தின் டிரைலர் சமீபத்தில் வெளியான நிலையில் இந்த டிரைலரில் உள்ள பாசிட்டிவ் காட்சிகளினால் இந்த படத்தின் தமிழக ரிலீஸ் உரிமையின் வியாபாரம் பத்தே நிமிடங்களில் முடிந்துவிட்டதாக செய்திகள் வெளிவந்துள்ளது.

இந்த படத்தின் பாசிட்டிவ் காட்சிகளை பார்த்த பத்தே நிமிடங்களில் ஸ்ரீகுமரன் பிலிம்ஸ் கே.சிதம்பரம் இந்த படத்தின் தமிழக ரிலீஸ் உரிமையை பெற்று கொண்டார். அம்மா கிரியேஷன்ஸ் டி.சிவா தயாரித்த படம் ஒன்று பத்தே நிமிடத்தில் மொத்த வியாபாரமும் முடிந்துள்ளது இதுவே முதல்முறை என்பது குறிப்பிடத்தக்கது.

அதர்வா, சூரி, ரெஜினா, ப்ரணிதா, ஐஸ்வர்யா ராஜேஷ், ஆதித்தி போஹன்கர், மொட்டை ராஜேந்திரன் உள்பட பலர் நடித்துள்ள இந்த படத்தை இளவரசு ஓடம் இயக்கியுள்ளார். டி.இமான் இசையில் உருவாகியுள்ள இந்த படம் வரும் ஜூலையில் வெளியாகவுள்ளது.