బిగ్‌బాస్‌పై గీతా మాధురి సెటైర్..
- IndiaGlitz, [Thursday,October 08 2020]
బిగ్‌బాస్ కంటెస్టెంట్లు షో ముగిశాక కొందరు ఆరోపణలు గుప్పిస్తుంటారు.. మరికొందరు ఎడిటింగ్‌లో తమను మాటలను వక్రీకరించి చూపించారంటూ మండిపడుతుంటారు. ఇంకొందరు సెటైర్లు వేస్తుంటారు.. సింగర్ గీతా మాధురి మాత్రం సెటైర్ వేసింది. బిగ్‌బాస్ సీజన్ 2లో పాల్గొన్న గీతా మాధురి రన్నరప్‌గా నిలిచింది. ఈ షో సమయంలో నడిచిన వివాదాలు మరే సీజన్‌లోనూ నడవలేదు. కొందరైతే ఏకంగా హీరో నాని హోస్టింగ్‌ను దుయ్యబట్టి తీవ్ర స్థాయిలో విమర్శలు గుప్పించారు. షో మొత్తం కాంట్రవర్శీలకు కేంద్రంగా మారిపోయింది.
బిగ్‌బాస్ సీజన్ 2 నుంచి బయటకు వచ్చిన అనంతరం.. గీతా మాధురికి తల్లిగా ప్రమోషన్ లభించిన విషయం తెలిసిందే. అయితే తల్లయ్యాక గీత పూర్తిగా మారిపోయింది. బాగా ఫ్యాట్ అయిపోయింది. అయితే షో నుంచి బయటకు వచ్చిన అనంతరం సెల్ఫీ తీసుకున్న గీతా మాధురి ఆ ఫోటోను తాజాగా పోస్ట్ చేసింది. ఇంత వరకూ ఓకే కానీ పెట్టిన కామెంటే సెటైరికల్‌గా ఉంది. ఈ ఫోటో చాలా సన్నగా కనిపిస్తున్న గీతా మాధురి.. ‘రెండు సంవత్సరాల క్రితం ఫొటో. బరువు తగ్గించుకుని సన్నగా అవ్వాలనుకుంటే బిగ్‌బాస్‌కు వెళ్లమని మీకు సలహా ఇస్తా’ అని గీత కామెంట్ చేసింది.