ஹன்சிகா நடித்து வரும் 50வது படமான 'மஹா' படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் நடிகர் சிம்பு சிறப்பு தோற்றத்தில் நடிக்கவுள்ளதாகவும், அவரது சம்பந்தப்பட்ட காட்சிகளின் படப்பிடிப்பு நேற்று முதல் தொடங்கியுள்ளதாகவும் வெளிவந்த செய்திகளை ஏற்கனவே பார்த்தோம்

இந்த நிலையில் இந்த படத்தில் சிம்புவுக்கும் ஹன்சிகாவுக்கும் ஒரு பாடல் காட்சி இருப்பதாக தற்போது தகவல் வெளிவந்துள்ளது. இந்த பாடல் காட்சிக்கு பிரபல நடன இயக்குனரும் பிக்பாஸ் நிகழ்ச்சியின் மூலம் பிரபலமடைந்தவருமான காயத்ரி ரகுராம் நடனப்பயிற்சி அமைக்கவுள்ளார். இந்த தகவலை அவர் தனது சமூக வலைத்தளத்தில் உறுதி செய்துள்ளார். சிம்பு குழந்தை நட்சத்திரமாக இருந்தபோதே அவருக்கு காயத்ரி ரகுராம் நடனப்பயிற்சி அளித்துள்ளார் என்பது குறிப்பிடத்தக்கது

ஹன்சிகா, ஸ்ரீகாந்த், தம்பி ராமையா, கருணாகரன், நாசர், ஜெயப்பிரகாஷ், சாயாசிங் உள்ளிட்ட பலர் நடித்து வரும் 'மஹா' படத்தை ஜமீல் என்பவர் இயக்கி வருகிறார். ஜிப்ரான் இசையில் மதி ஒளிப்பதிவில் சத்யராஜ் நடராஜன் படத்தொகுப்பில் இந்த படம் உருவாகி வருகிறது.